ប្រែសម្រួល : កញ្ញាដាលីស (ស៊ីនហួ) ៖ ចិនកាលពីថ្ងៃអង្គារទី៧មីនាបានសន្យាប្តេជ្ញាចិត្តចំពោះសន្តិភាពនិងការអភិវឌ្ឍជាសកលព្រមទាំងត្រៀមខ្លួនជាស្រេចក្នុងការប្រឈមមុខនឹង “ពួកចចកកំណាច” ដើម្បីការពារអធិបតេយ្យភាព សន្តិសុខ និងផលប្រយោជន៍អភិវឌ្ឍន៍។
រដ្ឋមន្ត្រីការបរទេសលោក ឈីន ហ្កាង (Qin Gang) បានបញ្ជាក់ពីការប្តេជ្ញាចិត្តរបស់ចិនចំពោះគោលនយោបាយសន្តិភាពការបរទេសឯករាជ្យនិងយុទ្ធសាស្ត្រដែលផ្តល់ផលប្រយោជន៍ទៅវិញទៅមកក្នុងសន្និសីទសារព័ត៌មាន ដែលធ្វើឡើងនៅក្រៅសម័យប្រជុំប្រចាំឆ្នាំនៃសភាប្រជាជនជាតិ។
លោកឈីនបានសង្កត់ធ្ងន់លើការប្រឆាំងរបស់ចិនចំពោះការបំបែកបំបាក់ ការផ្តាច់ខ្សែសង្វាក់ផ្គត់ផ្គង់ឧស្សាហកម្ម និងការដាក់ទណ្ឌកម្មឯកតោភាគី ដោយនិយាយថា ប្រទេសនេះប្រឆាំងយ៉ាងម៉ឺងម៉ាត់ចំពោះអនុត្តរភាពនិងផ្នត់គំនិតសង្គ្រាមត្រជាក់។
លោកបាននិយាយថា ចិនជាអ្នកការពារសេដ្ឋកិច្ចពិភពលោកដែលបើកចំហនិងរួមបញ្ចូលគ្នា និងកសាងសហគមន៍មួយដែលមានអនាគតរួមគ្នាសម្រាប់មនុស្សជាតិ ដោយផ្តល់នូវការយល់ដឹងនិងដំណោះស្រាយរបស់ចិនបន្ថែមទៀតដើម្បីជួយដោះស្រាយបញ្ហាប្រឈមទូទៅរបស់មនុស្សជាតិ៕
រដ្ឋមន្ត្រីការបរទេសចិន លោក ឈីន ហ្កាង