ប្រែសម្រួល : កញ្ញាដាលីស (បាល់ទាត់) ៖ ក្រុមហង្សក្រហម Liverpool ក្រោយបំបាក់ Man U ៧-០ កាលពីសប្តាហ៍មុន រំពឹងទទួលលទ្ធផលល្អជាថ្មីនៅពេលពួកគេធ្វើដំណើរទៅផ្ទះ Bournemouth ដែលស្ថិតនៅបាតតារាង EPL នៅក្បាលព្រលប់ថ្ងៃសៅរ៍នេះ។ ក្រុមមាន់ខ្នាយមាស Tottenham Hotspur ដែលទើបធ្លាក់ពី UCL ចង់បំបាក់ Nottingham ដើម្បីរំសាយកំហឹង ហើយ Man City ក៏ត្រូវឈ្នះ Crystal Palace ផងដែរដើម្បីបន្តដាក់សម្ពាធលើ Arsenal។
ការព្យាករណ៍ ៖
– AFC Bournemouth vs Liverpool
* Liverpool ឈ្នះ៤លើកពីការប្រកួត៥លើកចុងក្រោយរបស់ពួកគេនៅ Premier League។
* ហង្សក្រហមក៏បានរក្សា Clean Sheet ៥ ដងជាប់ៗគ្នាក្នុង Premier League ដែរ។
* Bournemouth ឈ្នះតែ៣ដងក្នុងលីកក្នុងផ្ទះក្នុងរដូវកាលនេះ។
* Cody Gakpo រកបាន ៣ គ្រាប់ក្នុងការប្រកួត Premier League ៥ លើកចុងក្រោយសម្រាប់ Liverpool។
Bournemouth និង Liverpool មានបទពិសោធន៍ខុសគ្នាខ្លាំងក្នុង Premier League កាលពីចុងសប្តាហ៍មុន ហើយគេមិនចាំបាច់ទាយទេថាតើក្រុមណានឹងរំពឹងឈ្នះនៅកីឡដ្ឋាន Vitality នៅក្បាលព្រលប់ថ្ងៃសៅរ៍នេះ។
ខណៈ Bournemouth បានរងបរាជ័យក្នុងលទ្ធផល ៣-២ ក្រោមស្នាដៃក្រុមកំពូលតារាង Arsenal នៅកីឡដ្ឋាន Emirates កាលពីថ្ងៃសៅរ៍ បើទោះបីជាបាននាំមុខមុន ២-០ ក៏ដោយ ក៏ប៉ុន្តែក្រុម Liverpool បានលុតដល់ទៅ ៧-០ លើគូប្រជែង Manchester United នៅកីឡដ្ឋាន Anfield ។
គូរបស់ពួកគេគឺជាការប្រកួត Premier League ដែលគេចាប់អារម្មណ៍បំផុតកាលពីចុងសប្តាហ៍មុន ប៉ុន្តែគេអាចនិយាយបានថា លទ្ធផលសាហាវបែបនេះគឺបង្កឱ្យមានអារម្មណ៍ចម្លែកសម្រាប់អ្នកគាំទ្រទាំងសងខាង។
សម្រាប់ Bournemouth បើទោះបីជាពួកគេលេងស្វិតជាមួយក្រុមខ្លាំង Arsenal ក៏ដោយ ក៏ប៉ុន្តែការឈ្នះចុងម៉ោងរបស់កាំភ្លើងធំនៅភាគខាងជើងទីក្រុងឡុងដ៍នៅតែជាភស្តុតាងបន្ថែមទៀតអំពីតំបន់ការពារលេចធ្លាយនិងការខ្វះការតាំងចិត្តយកឈ្នះរបស់ Bournemouth ហើយបរាជ័យនោះបានធ្វើឱ្យពួកគេស្ថិតនៅបាតតារាង Premier League ។
សម្រាប់ក្រុម Liverpool របៀបនៃការទទួលជ័យជម្នះរបស់ពួកគេលើក្រុមឡើងជើង Man Utd បានបន្តជំរុញទឹកចិត្តពួកគេសម្រាប់កៅអីក្នុងក្របខណ្ឌ Champions League ហើយពួកគេមើលទៅកំពុងស្ថិតលើមាគានោះ ក្រោយរងបរាជ័យតែមួយលើកគត់ក្នុងការប្រកួតលីកចំនួន៧លើកចុងក្រោយ។
ពួកគេមានសន្ទុះមុតស្រួចណាស់ទល់នឹងក្រុមបិសាចក្រហម ដោយកីឡាករ Cody Gakpo, Mo Salah និង Darwin Nunez សុទ្ធតែបានស៊ុតចូលម្នាក់២គ្រាប់ ហើយអ្នកគាំទ្រ Bournemouth អាចអាណិតដល់ក្រុម Manchester United ព្រោះខ្លួនក៏ធ្លាប់ចាញ់ទក់សាច់បែបនេះនៅទឹកដី Anfield កាលពីដើមរដូវកាលផងដែរ។
ត្រឡប់ទៅខែសីហាវិញ ហង្សក្រហមបានបញ្ចប់ការងាររបស់លោក Scott Parker ក្នុងនាមជាអ្នកចាត់ការទូទៅរបស់ Bournemouth ជាមួយនឹងការឈ្នះ Bournemouth ៩-០ នៅទឹកដី Merseyside ដោយស៊ុតចំគោលដៅ ១២ ជើងក្នុងការប្រកួតនោះ រួមជាមួយនឹងការគ្រប់គ្រងបាល់ ៧០ ភាគរយ។
ពួកគេគួរតែឈ្នះការប្រកួតនេះម្តងទៀតដោយងាយស្រួល។
លទ្ធផលទស្សនទាយ Liverpool ឈ្នះ ៣-០។
– Tottenham Hotspur vs Nottingham
* Tottenham ឈ្នះការប្រកួតលីកក្នុងផ្ទះ៣លើកចុងក្រោយ ដែលការឈ្នះពីរលើកគឺមានគម្លាតគ្រាប់បាល់ឈ្នះ២គ្រាប់ឡើងទៅ។
* Forest មានកំណត់ត្រាក្រៅដីអន់បំផុតក្នុងលីក។
* Spurs រក្សា Clean Sheet ៤ដងជាប់ៗគ្នាក្នុងផ្ទះនៅគ្រប់ការប្រកួតទាំងអស់។
Tottenham ត្រូវបានទម្លាក់ចេញពីក្របខណ្ឌ Champions League ដោយ AC Milan កាលពីពាក់កណ្តាលសប្តាហ៍ ប៉ុន្តែអាចបង្កើនឱកាសរបស់ពួកគេក្នុងការវិលត្រឡប់ទៅកាន់ការប្រកួតប្រជែងកំពូលរបស់ទ្វីបអឺរ៉ុប ដោយការបំបាក់ Nottingham Forest នៅថ្ងៃសៅរ៍នេះ។
Spurs បានជួបការប្រកួតស្វិតស្វាញតាំងពីខែមីនា ខណៈពួកគេចាប់ផ្តើមខែមីនាជាមួយការធ្លាក់ចេញពី FA Cup ក្រោមថ្វីដៃ Sheffield United បន្ទាប់មកបានចាញ់ក្រុម Wolves ១-០ មុនពេលស្មើ ០-០ ជាមួយ Milan ក្នុងទីក្រុងឡុងដ៍ភាគខាងជើង ដោយបញ្ចប់ក្តីសង្ឃឹមទ្វីបអឺរ៉ុបរបស់ពួកគេជាមួយលទ្ធផលសរុបទាំងពីរជើងចាញ់ ១-០។
កូនក្រុមរបស់លោក Antonio Conte មើលទៅមានទំនុកចិត្តទាប ប៉ុន្តែការប្រកួតក្នុងផ្ទះជាមួយក្រុមភ្ញៀវដ៏អន់បំផុតក្នុងលីក មើលទៅជាឱកាសដ៏ល្អដើម្បីបញ្ឈប់ការបាក់ទឹកចិត្តនេះ និង ដើម្បីប្រជែងតំណែងកំពូលទាំងបួនរបស់ពួកគេឡើងវិញយ៉ាងរឹងមាំ។
Tottenham មានតម្លៃហាងឆេងទឹកលុយទាបក្នុងការឈ្នះប្រកួតនេះ ដូច្នេះគួរយកហាងឆេងត -1 ដែលមានទឹកលុយផ្ទុះ។
ក្រុមមាន់ខ្នាយមាសខកខានក្នុងការស៊ុតបញ្ចូលទីក្នុងការប្រកួតបីលើកចុងក្រោយរបស់ពួកគេ ហើយវាជាការព្រួយបារម្ភមួយ ប៉ុន្តែពួកគេបានបង្កើតឱកាសជាច្រើននៅក្នុងការប្រកួតលីកចុងក្រោយរបស់ពួកគេជាមួយនឹងក្រុម Wolves (ស៊ុត២២ដងចំគោលដៅ៦ដង) ហើយពួកគេគួរតែទទួលបានជោគជ័យទល់នឹងតំបន់ការពារខ្សោយរបស់ Forest។
លទ្ធផលទស្សនទាយ Tottenham ឈ្នះ ៣-០។
– Crystal Palace vs Manchester City
* Man City មិនស្គាល់ចាញ់សោះក្នុង៧ប្រកួតចុងក្រោយ ដោយឈ្នះ៥ដង។
* City មាន Clean Sheet ត្រឹមតែម្តងគត់ក្នុងការប្រកួតក្រៅផ្ទះ៨ដងចុងក្រោយ។
* Palace ស៊ុតចូល២គ្រាប់ក្នុងការប្រកួតជើងទី១និងនៅក្នុងការជួបគ្នាថ្មីៗនេះជាមួយ Man City។
Manchester City នឹងសម្លឹងដាក់សម្ពាធលើក្រុមកំពូលតារាង Premier League គឺ Arsenal នៅពេលពួកគេធ្វើដំណើរទៅកាន់ទឹកដី Crystal Palace សម្រាប់ការប្រកួតនៅយប់ថ្ងៃសៅរ៍។
ក្រុមឥន្ទ្រីមិនដែលឈ្នះសោះក្នុងការប្រកួត ១០ លើកចុងក្រោយ ហើយទំនងជាមិនអាចបញ្ចប់ការខ្សត់ជ័យជម្នះនេះបានឡើយ នៅពេលពួកគេទទួលក្រុមការពារតំណែងជើងឯក។
អ្វីដែលគួរឱ្យភ្ញាក់ផ្អើលគឺ Manchester City ចូលមកក្នុងការប្រកួតនេះក្នុងនាមជាក្រុមរំពឹងឈ្នះ តែធ្លាយគ្រាប់បាល់ នេះបើផ្អែកតាមហាងឆេង។
Man City របូតគ្រាប់បាល់ក្នុង៦ប្រកួតនៃការប្រកួត៨លើកចុងក្រោយរបស់ពួកគេ ហើយពួកគេបានរបូតគ្រាប់បាល់ក្នុងការប្រកួតក្រៅដី៧លើកជាប់ៗគ្នាមុនពេលទទួលជ័យជម្នះ ៣-០ នៅឯទឹកដី Bristol City ក្នុងក្របខណ្ឌ FA Cup ។
Palace បានជួបការលំបាកក្នុងការរកគ្រាប់បាល់នាពេលថ្មីៗនេះ ប៉ុន្តែពួកគេតែងមានទំនោរស៊ុតចូលទីនៅពេលប្រឈមមុខនឹងគូប្រជែងល្អជាងខ្លួន ហើយពួកគេបានស៊ុតបញ្ចូលទីក្នុងការប្រកួតថ្មីៗ២គ្រាប់ទល់នឹង Manchester United ហើយពួកគេបានស៊ុតបញ្ចូលទី២គ្រាប់ផងដែរក្នុងការប្រកួតជើងទី១កាលពីខែសីហាទល់នឹង Man City ដូច្នេះមានហេតុផល ដែលម្ចាស់ផ្ទះអាចនឹងរកបានគ្រាប់បាល់នៅថ្ងៃនេះ។
Phil Foden គឺជាកីឡាករមានទម្រង់លេងឡើងជាងគេក្នុងក្រុម Man City នាពេលបច្ចុប្បន្ន ដោយរកបាន ៤ គ្រាប់ក្នុងការប្រកួត ៣ លើកចុងក្រោយរបស់គេ ហើយរូបគេនឹងអាចមានលទ្ធភាពស៊ុតចូលនៅថ្ងៃសៅរ៍នេះជាបន្ត។
លទ្ធផលទស្សនទាយ Man City ឈ្នះ ៣-១៕
Man City ត្រូវការឈ្នះដើម្បីដាក់សម្ពាធលើ Arsenal
