ប្រែសម្រួលៈបំណង(ស្ពុតនិច)៖ កាំជ្រួចបាញ់ពីអាកាសទៅអាកាសថ្មីរបស់រុស្ស៊ីធុនR-37Mបានបង្ហាញប្រសិទ្ធភាពប្រយុទ្ធខ្ពស់បំផុតក្នុងអំឡុងពេលប្រើវា ជាផ្នែកនៃប្រតិបត្តិការយោធាពិសេសរបស់រុស្ស៊ីនៅអ៊ុយក្រែន នេះបើតាមប្រភពមួយបានប្រាប់សារព័ត៌មានស្ពុតនិច។
ប្រភពព័ត៌មានបាននិយាយថា« កាំជ្រួចR-37M បានបង្ហាញប្រសិទ្ធភាពខ្លាំងបំផុតក្នុងអំឡុងប្រតិបត្តិការយោធាពិសេស។នៅពេលប្រើវា លទ្ធភាពវាយចំគោលដៅកៀកនឹងកំរិតខ្ពស់បំផុតដែលធ្លាប់កត់ត្រាឃើញ។ដូច្នេះកាំជ្រួចធុននេះមួយដើមវាគ្រប់គ្រាន់សំរាប់យន្តហោះយោធាអ៊ុយក្រែនមួយ»។
ប្រភពព័ត៌មានបានបន្ថែមថា កាំជ្រួចR-37Mត្រូវបានប្រើដើម្បីវាយប្រហារគោលដៅក្នុងអាកាសរបស់អ៊ុយក្រែនផ្សេងៗ និងត្រូវបានបាញ់ចេញពីយន្តហោះ Su-35S យន្តហោះMiG-31BM ព្រមទាំងយន្តហោះជំនាន់ទីប្រាំSu-57។
ប្រភពដដែលបានប្រាប់សារព័ត៌មានស្ពុតនិចថា «កាំជ្រួចR-37Mបានបាញ់ទម្លាក់យន្តហោះ Su-27 ,Su-25, Su-24M និង MiG-29របស់អ៊ុយក្រែន ព្រមទាំងឧទ្ធម្ភាគចក្រហោះទាបៗរួមនឹងដ្រូន»។
R-37M មានលក្ខណៈពិសេសសំរាប់ប្រភេទកាំជ្រួចបាញ់ពីអាកាសទៅអាកាស ពាក់ព័ន្ធនឹងចម្ងាយ ល្បឿននិងកំពស់។វាហោះលឿនជាងសម្លេងប្រាំមួយដងនិងបានចម្ងាយ៣០០គីឡូម៉ែត្រ។
យន្តហោះSu-35Sរបស់រុស្ស៊ីបាញ់កាំជ្រួច R-37M
សូមរំលឹកថា ក្នុងការវាយប្រហារដោយកាំជ្រួចមួយប្រាវធំនៅសប្តាហ៍នេះលើគោលដៅនានានៅទូទាំងអ៊ុយក្រែន ដើម្បីសងសឹកការវាយប្រហារភេរវកម្មនៅតំបន់ប្រាយយ៉ាន់(Bryans)របស់រុស្ស៊ី អនុវត្តដោយរដ្ឋាភិបាលទីក្រុងគៀវ រុស្ស៊ីបានប្រើកាំជ្រួចចម្ងាយឆ្ងាយ ត្រង់ៗរួមទាំងកាំជ្រួចលឿនជាងសម្លេងគីនហ្សាល់(Kinzhal)។ការបាញ់ចម្រុះចេញពីដីគោក សមុទ្រ និងអាកាសបានត្រូវហេដ្ឋារចនាសម្ពន្ធយោធាអ៊ុយក្រែន សហគ្រាសយោធាអ៊ុយក្រែនព្រមទាំងពីតាំងថាមពល នេះបើតាមអ្នកនាំពាក្យក្រសួងការពារជាតិរុស្ស៊ីបានអះអាង៕
រុស្ស៊ី ប្រើកាំជ្រួចលឿនជាងសម្លេងក្នុងការវាយប្រហារលើគោលដៅអ៊ុយក្រែនចុងក្រោយនេះជាហេតុនាំអោយប្រព័ន្ធស្ទាក់ចាប់កំទេចរបស់អ៊ុយក្រែនដែលជាជំនួយរបស់លោកខាងលិចគ្មានប្រសិទ្ធភាព