ដោយៈ ទេព មង្គល / សៀមរាបៈ «សមរាត្រី» ន័យសាមញ្ញ គឺរយៈពេលថ្ងៃ និង យប់ស្មើគ្នា ត្រូវនឹងព្រឹត្តិការណ៍ព្រះអាទិត្យ រះនៅចំកំពូលកណ្ដាលនៃប្រាសាទអង្គរវត្ត ដែលគេអាចមើលឃើញច្បាស់ ពីគុកតារាជនឹងកើតឡើង នៅថ្ងៃទី២១ ខែមីនា ឆ្នាំ២០២៣ ខាងមុខ ។ នេះបើតាមការបញ្ជាក់ឱ្យដឹង ដោយអាជ្ញាធរជាតិអប្សរា នៅថ្ងៃទី១១ មីនា នេះ។
ប្រភពដដែល បានបញ្ជាក់ថាៈ ព្រឹត្តិការណ៍ពិសេស ថ្ងៃរះចំកំពូលកណ្ដាល នៃប្រាសាទអង្គរវត្ត សម្រាប់ឆ្នាំ២០២៣ នេះ អាចកើតមាន ២ ដង ក្នុង១ឆ្នាំ គឺនៅថ្ងៃទី២១ ខែមីនាម្ដង ហើយអាចនៅថ្ងៃទី២២ ខែកញ្ញា នឹងកើតមានម្ដងទៀត។ ដូច្នេះ សូមសាធារណជន ក៏ដូចជាភ្ញៀវទេសចរ សូមអញ្ជើញមកទស្សនា ព្រឹត្តិការណ៍ដ៏អស្ចារ្យនេះ ទាំងអស់គ្នា កុំបីខានឡើយ៕ V / N
រូបថតៈ អាជ្ញាធរជាតិអប្សរា