ប្រែសម្រួលៈបំណង(បាងកកប៉ុស្តិ៍)៖ សមយុទ្ធយោធាពស់វែកមាស២០២៣(Cobra Gold 2023)ដែលមានការចូលរួមពីកងកម្លាំងទៅពី៣០ប្រទេសបានឈានដល់ទីបញ្ចប់កាលពីថ្ងៃសុក្រទី១០មីនា។តែមុនពិធីបិទបញ្ចប់ ពួកមេបញ្ជាការកងទ័ពដែលចូលរួមបានត្រួតមើលការហ្វឹកហាត់បាញ់គ្រាប់ពិតរួមគ្នា។
សមយុទ្ធថ្ងៃបញ្ចប់ក្នុងឆ្នាំនេះបានប្រើសព្វាវុធធុនធ្ងន់និងទាហាន៦០៩នាក់ទៅពីកងកម្លាំងថៃ អាម៉េរិក សិង្ហបុរី ម៉ាឡេស៊ីនិងឥណ្ឌូនេស៊ី។វារួមមានការហាត់បាញ់កាំភ្លើងធំនិងការបាញ់គាំទ្រ ប្រតិបត្តិការវាយប្រហារតាមអាកាសនិងការជម្លៀសដោយក្រុមវេជ្ជសាស្ត្រ។ យុទ្ធោបរណ៍ធុនធ្ងន់សំខាន់ៗរួមមានរថពាសដែកBTRនិងយន្តហោះF-16របស់ថៃ ព្រមទាំងF-16ព្រមទាំងប្រព័ន្ធបាញ់រ៉ុក្កែតទំនើបHIMARSរបស់អាម៉េរិក។
សូមបញ្ជាក់ថា សមយុទ្ធពស់វែកមាស២០២៣បានចាប់ផ្តើមកាលពីថ្ងៃ២៨កុម្ភៈ នៅមូលដ្ឋានទ័ពអាកាសអ៊ុយតាប៉ាវក្នុងខេត្តរ៉ាយ៉ង និងបន្តធ្វើរហូតដល់ថ្ងៃសុក្រទី១០មីនា។វាមានការចូលរួមពីទាហាន៧.៣៩៤នាក់ ក្នុងនេះប្រមាណ៦.០០០នាក់ជាទាហានអាម៉េរិក។
សមយុទ្ធនេះអនុញ្ញាតអោយមានការផ្លាស់ប្តូរចំណេះយោធា ទ្រឹស្តីនិងបច្ចេកវិទ្យាព្រមទាំងពង្រីកបទពិសោធន៍របស់កងកម្លាំងចូលរួមនៅក្នុងប្រតិបត្តិការពហុជាតិរួមគ្នា៕
ទាហានអាម៉េរិកនិងថៃលោកឆត្រយោងរួមគ្នាក្នុងសមយុទ្ធពស់វែកមាស
ទាហានអាម៉េរិកប្រើប្រព័ន្ធបាញ់រ៉ុក្កែតទំនើបHIMARSក្នុងសមយុទ្ធថ្ងៃចុងក្រោយនៅខេត្តឡុប ប៊ូរី
សមយុទ្ធហាត់បាញ់កាំភ្លើងគាំទ្រ រួមមានកាំភ្លើងធំនិងកាំភ្លើងត្បាល់