​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ លើកដៃ​កាន់​កាំភ្លើង​មាស​នៅ​ជាយ​រដ្ឋធានី​វ៉ា​សូវី​របស់​ប៉ូឡូញ នាង ជូ​លៀ ប៉ាស​ហ្សេ​ក (Julia Paszek) និយាយថា នាង​ត្រៀមខ្លួន​ជាស្រេច​ក្នុងការ​ការពារ​ប្រទេស​ប៉ូឡូញ “​ទោះ​ក្នុង​តម្លៃ​ណាក៏ដោយ​”​។​

​ទទួលស្គាល់ថា​កាំភ្លើងខ្លី​ពាក់កណ្តាល​ស្វ័យប្រវត្តិ​ម៉ាក Desert Eagle មាន​ទម្ងន់ “​ធ្ងន់​ពេក​” អ្នកវិភាគ​ធានារ៉ាប់រង​ដែល​មាន​ទឹកមុខ​ញញឹម​រូបនេះ​បាន​ប្រាប់​វេបសាយ MailOnline ថា “​ខ្ញុំ​មិនមែន​ជា​ទាហាន​ទេ ប៉ុន្តែ​ខ្ញុំ​ក៏​មិន​ចង់​ក្លាយជា​អ្នក​ឈរ​មើល​ឬក៏​ជា​ជនរងគ្រោះ​ដែល​គ្មាន​ទីពឹង​នោះដែរ​”​។​

​ស្ត្រី​វ័យ​៣៣​ឆ្នាំ​រូប​នេះ​បាន​បន្ថែមថា “​ខ្ញុំ​ត្រៀម​ខ្លួន​ធ្វើ​អ្វី​ដែល​ខ្ញុំ​ត្រូវ​ធ្វើ​។ ទោះ​ក្នុង​តម្លៃ​ណាក៏ដោយ ខ្ញុំ​នឹង​ការពារ​ប៉ូឡូញ​ពី​អំពើ​អាក្រក់​របស់​ពូ​ទីន​”​។​

​ខណៈ​សង្គ្រាម​នៅ​តែ​បន្ត​ឆាបឆេះ​ក្នុងប្រទេស​អ៊ុយ​ក្រែន​នៅតាម​ព្រំដែន នាង​ជូ​លៀ​គឺ​គ្រាន់តែ​ជា​ជនជាតិ​ប៉ូឡូញ​ម្នាក់​ក្នុងចំណោម​រាប់សិប​ពាន់​នាក់​ដែល​កំពុងកាន់​អាវុធ​។​

​ដោយ​មើលឃើញ​ខ្លួនឯង​ជា “​រដ្ឋ​សមរភូមិ​ជួរមុខ​” ពលរដ្ឋ​ប៉ូឡូញ​កំពុង​ត្រៀម​ខ្លួន​សម្រាប់ “​សេណា​រី​យ៉ូក​រណីអាក្រក់​បំផុត​” ដោយ​នាំគ្នា​ទិញ​អាវុធ​ទ្រង់ទ្រាយ​ធំ និង​ទៅ​រៀន​ហា​ត់បាញ់​កាំ​ភ្លើង​។​

​ទោះបីជា​នៅ​តែ​មាន​ចំនួន​កាំភ្លើង​ទាប​បំផុត​ក្នុង​មនុស្ស​ម្នាក់​នៅ​ទ្វីប​អឺរ៉ុប​ក៏​ដោយ ក៏ប៉ុន្តែ​ជា​ង​មួយ​ភាគ​បួន​នៃ​មនុស្ស​មួយ​លាន​នាក់​នៅក្នុង​ប្រទេស​ប៉ូឡូញ​ឥឡូវនេះ​មាន​អាជ្ញាប័ណ្ណ​កាំភ្លើង ដោយ​កាលពី​ឆ្នាំ​មុន​ឃើញ​មាន​ការកើនឡើង​ចំនួន ៣៧.០០០ នាក់​ធៀប​នឹង​ឆ្នាំ ២០២១៕

ជូ​លៀ​គ្រាន់តែ​ជា​ជនជាតិ​ប៉ូឡូញ​ម្នាក់​ក្នុងចំណោម​រាប់សិប​ពាន់​នាក់​ដែល​កំពុងកាន់​អាវុធ​ដើម្បី​ការពារ​ប្រទេស