ដោយៈតារារិទ្ធ/ភ្នំពេញ:សម្តេចអគ្គម ហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបាអញ្ជើញជួបសំណេះសំណាលជាមួយប្រជាពលរដ្ឋដែលបានផ្លាស់ប្តូរទីលំនៅទៅទីតាំងថ្មីចំនួន ៣៤២ គ្រួសារនិងត្រួតពិនិត្យការដ្ឋានសាងសង់ទំនប់វារី អគ្គិសនីស្ទឹងពោធិ៍សាត់១ស្ថិតក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្ត ពោធិ៍សាត់ នៅព្រឹកថ្ងៃទី ១៤ ខែ មីនា ឆ្នាំ ២០២៣ នេះ។
លោក ខូយ រីដា អភិបាលខេត្តពោធិ៍សា ត់បានឱ្យដឹងថាគម្រោងវារីអគ្គិសនីនេះ ប៉ះពាល់ប្រជាពលរដ្ឋប្រមាណ ៣៤៧ គ្រួសារ។ ក្នុងនោះប្រជាពលរដ្ឋប្រមាណ ៣៤២គ្រួសារស្មើនឹង៩៨ភាគរយ បានដោះស្រាយគោលនយោបាយសំណងរួចរាល់។
សម្រាប់ការដោះស្រាយផលប៉ះពាល់ និងផ្តល់សំណង ត្រូវបានចែកជា៣លក្ខខណ្ឌ។ លក្ខខណ្ឌទី១សម្រាប់គ្រួសារពលរដ្ឋដែលមានផ្ទះនិងដីស្ថិតក្នុងតំបន់ គម្រោងចំនួន១២គ្រួសារ។ ក្នុងមួយគ្រួសារ ទទួលបានផ្ទះទំហំ ៨០ ម៉ែត្រការ៉េ និងដីកសិកម្មដែលបានឈូសឆាយភ្ជួររាស់រួចរាល់ទំហំ៥ហិកតា ស្ថិតនៅភូមិតាំងយ៉ ឃុំប្រម៉ោយ ស្រុកវាលវែង ខេត្តពោធិ៍សាត់។
លក្ខខណ្ឌទី២ សម្រាប់គ្រួសារពលរដ្ឋដែលប៉ះពាល់តែដីកសិកម្ម និងពុំមាន ផ្ទះក្នុងតំបន់គម្រោង មានចំនួន ៦០ គ្រួសារ។ ក្នុងមួយគ្រួសារ ទទួលបានដីកសិកម្មដែលបានឈូសឆាយភ្ជួររាស់រួចរាល់ទំហំ ៥ហិកតា ស្ថិតនៅភូមិទួលក្រួស ឃុំប្រម៉ោយ ស្រុកវាលវែង ខេត្តពោធិ៍សាត់។
លក្ខខណ្ឌទី៣ សម្រាប់គ្រួសារដែលមានតែខ្ទម និងដីក្នុងតំបន់គម្រោង មានចំនួន ២១៨គ្រួសារ។ ប្រជាពលរដ្ឋទាំង២១៨គ្រួសារនេះ ព្រមទទួលសំណងជាប្រាក់សុទ្ធ។ ថ្លៃសំណង ត្រូវបានដោះស្រាយតាមការសិក្សា ដែលត្រូវបានកំណត់តម្លៃទៅតាមការកំណត់របស់ក្រសួងសេដ្ឋកិច្ច និងហិរញ្ញវត្ថុ។
ដោយឡែកប្រជាពលរដ្ឋប្រមាណ ៤៣គ្រួសារទៀត បន្ទាប់ពីសិក្សាជាក់ស្តែង គឺមាន ៣៧គ្រួសារ មិនរងផលប៉ះពាល់ និង ៦គ្រួសារ បាត់ដំណឹងរកម្ចាស់មិនឃើញ។
គួរបញ្ជាក់ថាកាលពីអំឡុងឆ្នាំ២០១៩ កន្លងទៅរាជរដ្ឋាភិបាលសម្រេចឱ្យមាន ការសាងសង់វារីអគ្គិសនីស្ទឹងពោធិ៍សា ត់១ត្រង់ចំណុចចិនយំ។គម្រោងនេះចាប់ដំណើរការសាងសង់នៅចុងឆ្នាំ២០ ២២ដោយក្រុមហ៊ុនSPHP (Cambodia) ដែលមានភាគហ៊ុនរួមគ្នាររវាងចិននិងកូរ៉េហើយមានអានុភាពផលិតថាមពល៨០មេហ្គាវ៉ាត់ជាមួយទឹកប្រាក់វិនិយោគប្រមាណ២៣១លា នដុល្លារដែលគ្រោងនឹងដាក់ឱ្យដំណើរ ការនៅក្នុងឆ្នាំ២០២៦។
គម្រោងវារីអគ្គីសនីនៅពោធិ៍សាត់នេះនឹងត្រូវធ្វើឡើងក្រោមរូបភាពសាងសង់ -ដំណើរការ-ផ្ទេរ (BOT)សម្រាប់រយៈពេល៣៩ឆ្នាំ ដែលមានន័យថាបន្ទាប់ពីក្រុមហ៊ុនប្រើប្រាស់វារីអគ្គីសនីនេះបានរយៈពេល៣៩ឆ្នាំ នោះក្រុមហ៊ុននឹងប្រគល់វាឲ្យរដ្ឋាភិបាលកម្ពុជាគ្រប់គ្រងទាំងស្រុង។
ក្រសួងរ៉ែ និងថាមពលបានផ្ដល់អាជ្ញា ប័ណ្ណឱ្យក្រុមហ៊ុននេះសិក្សាលទ្ធភាពនៅលើទីតាំងនេះចាប់តាំងពីឆ្នាំ ២០ ១២។ ក្រុមហ៊ុនក៏បានចុះកិច្ចព្រមព្រៀ ងរួចហើយជាមួយអគ្គិសនីកម្ពុជា (EDC ) សម្រាប់ការលក់ថាមពលទាំង អស់ដែលខ្លួនផលិតបានដើម្បីភ្ជាប់ទៅបណ្តាញជាតិជាមួយនឹងតម្លៃ០,៧សេនដុល្លារក្នុង១គីឡូវ៉ាត់ម៉ោង។
គម្រោងវារីអគ្គិសនីស្ទឹងពោធិ៍សាត់១ គឺ ជាគម្រោងវារីអគ្គិសនីទី២ របស់ខេត្ត ពោធិ៍សាត់បន្ទាប់ពីគម្រោងវារីអគ្គិសនីទី១ គឺវារីអគ្គិសនីស្ទឹងអាតៃស្ថិតនៅភូមិឆាយលូក ឃុំអូរសោម ស្រុកវាលវែង មានអនុភាព១២០មេហ្គាវ៉ាត់ត្រូវបានដាក់ឱ្យប្រើប្រាស់ជាផ្លូវការតាំងពីឆ្នាំ ២០១៥ ។ បច្ចុប្បន្ននេះនៅខេត្តពោធិ៍ សាត់មានអនុស្ថានីយចំនួន៣រួមមាន អនុស្ថានីយអូរសោម អនុស្ថានីយពោធិ៍ សាត់និងអនុស្ថានីយស្វាយស។ ចំណែ កថាមពលពន្លឺព្រះអាទិត្យនិងថាមពលផ្សេងៗមានចំនួន ៤កន្លែងផងដែរ៕សរន
