ប្រែសម្រួលៈបំណង(ស្ពុតនិច)៖ ដ្រូនMQ-9របស់អាម៉េរិកបានធ្លាក់ចូលក្នុងសមុទ្រខ្មៅកាលពីថ្ងៃអង្គារដោយសារតែការហោះកាច់កេវដោយខ្លួនឯង រីឯយន្តហោះប្រយុទ្ធរុស្ស៊ីមិនបានប៉ះពាល់វាទេនិងក៏មិនបានប្រើសព្វាវុធណាដើម្បីទម្លាក់យន្តហោះឈ្លបយកការណ៍របស់អាម៉េរិកនេះដែរ នេះបើតាមការបញ្ជាក់ពីក្រសួងការពារជាតិរុស្ស៊ី។
ក្រសួងបាននិយាយថា«ជាលទ្ធផលនៃការហោះបត់ឆែវនិងលឿនពេកនៅប្រមាណម៉ោង០៩:៣០ ព្រឹក ដ្រូន MQ-9 បានស្ថិតក្នុងស្ថានភាពហោះលែងអាចគ្រប់គ្រងបាននិងធ្លាក់រយៈកំពស់ហើយបុកផ្ទៃទឹក។យន្តហោះយោធារុស្ស៊ីមិនបានប្រើសព្វាវុធណាទេ មិនបានប៉ះយានគ្មានមនុស្សបើកនេះនិងបានវិលមកកាន់មូលដ្ឋានវិញដោយសុវត្ថិភាព»។
ក្រសួងបានបន្ថែមថា នៅព្រឹកថ្ងៃអង្គារទី១៤មីនា ក្រុមត្រួតពិនិត្យដែនអាកាសរុស្ស៊ីបានសង្កេតឃើញយានMQ-9ហោះលើសមុទ្រខ្មៅនៅក្នុងតំបន់ឧបទ្វីបគ្រីម៉េក្នុងទិសដីតម្រង់មកកាន់ព្រំដែនរុស្ស៊ី។«ដ្រូនបានហោះក្នុងស្ថានភាពបិទឧបករណ៍ទាក់ទង រំលោភព្រំដែននៃតំបន់បណ្តោះអាសន្នក្នុងគោលបំណងបង្កើតប្រតិបត្តិការយោធាពិសេសមួយ …។យន្តហោះប្រដេញរុស្ស៊ីទៅពីកងកម្លាំងអាកាសបានចេញទៅស្ទាក់និងពិនិត្យមើលដើម្បីអោយដឹងអត្តសញ្ញាញយានជ្រៀតចូលនេះ »។
ក្រសួងការពារជាតិរុស្ស៊ីបាននិយាយថាMQ-9របស់អាម៉េរិកបានធ្លាក់ចូលក្នុងសមុទ្រខ្មៅដោយសារតែហោះបង់ឆែវលឿនពេកហើយយន្តហោះប្រយុទ្ធរុស្ស៊ីមិនបានពាក់ព័ន្ធនឹងការធ្លាក់នេះទេ
MQ-9 Reaperត្រូវបានគេផ្តល់រហស្សនាមថា យានស៊ើបការណ៍ពិឃាតដោយសារវាអាចបំពាក់កាំជ្រួចបញ្ជាវាយប្រហារគោលដៅពីក្រុមអ្នកត្រួតពិនិត្យនិងបញ្ជាពីចម្ងាយ តែយានដែលធ្លាក់កាលពីថ្ងៃអង្គារមិនដឹងថាបំពាក់សព្វាវុធដែរឬអត់ទេ។
ក្នុងពេលជាមួយគ្នា ឯកអគ្គរដ្ឋទូតរុស្ស៊ីប្រចាំសហរដ្ឋអាម៉េរិក លោក អាណាតូលី អាន់តូណូវ (Anatoly Antonov)បាននិយាយថា រុស្ស៊ីមិនស្វះស្វែងរកការប្រឈមមុខជាមួយអាម៉េរិកទេក្រោយពីមន្ត្រីអាម៉េរិកចោទប្រកាន់ថា យន្តហោះរុស្ស៊ីបានធ្វើអោយធ្លាក់ដ្រូនរបស់ខ្លួននៅសមុទ្រខ្មៅ។
លោកអាន់តូណូវ បាននិយាយថា« យើងមិនចង់បានការប្រឈមណាមួយជាមួយអាម៉េរិកទេ។រុស្ស៊ីគិតថា ឧបទ្ទវហេតុនៅសមុទ្រខ្មៅជាការបង្ករឿងមួយរបស់អាម៉េរិក។យើងមានការប្រយ័ត្នប្រយែងណាស់អំពីសកម្មភាពរបស់យើង ដោយសារតែអ្វីដែលកំពុងកើតនៅផ្នែកនៃអឺរុបខាងកើត…»។
មុននេះបន្តិចលោក អាន់តូណូវ ត្រូវបានក្រសួងការបរទេសអាម៉េរិកកោះហៅទៅស្តាប់ការប្រឆាំងតវ៉ាចំពោះហេតុការណ៍នៅសមុទ្រខ្មៅ៕
លោកអាណាតូលី អាន់តូណូវ ត្រូវបានក្រសួងការបរទេសអាម៉េរិកកោះហៅទៅស្តាប់ការតវ៉ា ចំពោះឧបទ្ទវហេតុនៅសមុទ្រខ្មៅ