ប្រែសម្រួលៈបំណង(ស្ត្រេតថែមស៍)៖ ប៉ូលីសប៉ាគីស្ថាននិងពួកអ្នកគាំទ្រលោកអ៊ីមរ៉ាន់ ខាន់(Imran Khan)បានប្រយុទ្ធគ្នានៅក្រៅគេហដ្ឋានរបស់អតីតនាយករដ្ឋមន្ត្រីរូបនេះនៅទីក្រុងឡាហ័រ( Lahore)កាលពីថ្ងៃអង្គារ ដោយបណ្តាលអោយរងរបួសមនុស្សរាប់សិបនាក់នៅភាគីទាំងសងខាង ដោយសារតែពួកអ្នកគាំទ្រប្រឆាំងនឹងការព្យាយាមចាប់ខ្លួនមេដឹកនាំរបស់គេតាមដីកាតុលាការ។
សាក្សីបាននិយាយថា ប៉ូលីសបានប្រើដំបង និងគ្រាប់បែកផ្សែងលើអ្នកគាំទ្រលោកខាន់ នៅពេលឧទ្ធម្ភាគចក្រហោះពីលើគេហដ្ឋានចំពេលសេវាអ៊ីនធឺណិតនៅតំបន់នោះត្រូវបានកាត់ផ្តាច់។
រដ្ឋមន្ត្រីមហាផ្ទៃ រ៉ាណា សាណាអ៊ុលឡា(Rana Sanaullah)បាននិយាយថា«យើងនឹងចាប់ខ្លួន អ៊ីមរ៉ាន់ ខាន់នៅថ្ងៃនេះ និងនាំជននោះទៅតុលាការ»។
សូមបញ្ជាក់ថា តុលាការក្រុងអ៊ីស្លាម៉ាបាតមួយបានចេញដីកាចាប់ខ្លួនលោកខាន់ចំពោះការលក់វត្ថុអំណោយរដ្ឋកាលពីលោកនៅកាន់អំណាចពីឆ្នាំ២០១៨ដល់២០២២។តែជំនួយការរបស់ខាន់បាននិយាយថា អតីតមេដឹកនាំរូបនេះត្រូវបានធានា«ការនៅក្រៅឃុំ»ពីតុលាការមួយហើយ«យើងដឹងថា ប៉ូលីសមិនអាចប់ខ្លួនគាត់បានទេ»។
លោកខាន់ចាប់តាំងពីត្រូវក្រុមប្រឆាំងបណ្តេញចេញពីអំណាចកាលពីដើមឆ្នាំមកបានធ្វើយុទ្ធនាការកេណ្ឌអ្នកគាំទ្រពាសពេញប្រទេសអោយធ្វើការជួបជុំទាមទារអោយមានការបោះឆ្នោតមុនកាលកំណត់មួយតែវាត្រូវជំទាស់ដោយអ្នកកាន់តំណែងបន្តពីលោក គឺនាយករដ្ឋមន្ត្រី សេបាស សារីហ្វ(Shehbaz Sharif)ដែលបាននិយាយថា ការបោះឆ្នោតនឹងត្រូវធ្វើឡើងនៅចុងឆ្នាំនេះឯណោះ។
ក្នុងការដឹកនាំបាតុកម្មទាមទារជាបន្តបន្ទាប់ លោកខាន់ត្រូវបានបាញ់អោយរបួសក្នុងការជួបជុំទាមទារមួយ។
អ្នកនាំពាក្យរដ្ឋាភិបាលបាននិយាយថា «អ្នកគាំទ្ររបស់ខាន់បានចាប់ផ្តើមអំពើហិង្សា។បើខាន់ឡើងតុលាការ វាជាការល្អដើម្បីអោយច្បាប់ចាត់ការ» តែលោកខាន់បានអំពាវនាវអោយអ្នកគាំទ្រងើបឈរប្រឆាំង៕
អ្នកនាំពាក្យរដ្ឋាភិបាល បាននិយាយថាអ្នកគាំទ្រអតីតនាយករដ្ឋមន្ត្រីបានចាប់ផ្តើមចោលដុំថ្មនិងដុំឥដ្ឋនិងបាញ់ចំពាមកៅស៊ូដាក់ប៉ូលីស ដែលបានឆ្លើយតបដោយការបាញ់ទឹក ដំបងនិងគ្រាប់បែកផ្សែងកាលពីថ្ងៃអង្គារ
This is not occupied Palestine or Kashmir, this is our high spirit nation protecting their leader and fighting the illegal operation and the corrupt mafia outside Zaman Park!
Allah is with Imran Khan and he will protect him and us!#زمان_پارک_پہنچو pic.twitter.com/7L7yPCh7hF
— PTI Islamabad (@PTIOfficialISB) March 14, 2023