ប្រែសម្រួលៈបំណង(ដេល្លីម៉េល)៖ កងទ័ពជើងទឹកទៅពីចិន រុស្ស៊ីនិងអ៊ីរ៉ង់ កំពុងធ្វើសមយុទ្ធរួមគ្នានៅក្នុងឈូងសមុទ្រអូម៉ង់ នេះបើតាមការប្រកាសរបស់ក្រសួងការពារជាតិចិនកាលពីថ្ងៃពុធ។
ក្រសួងបានបន្ថែមថា ប្រទេសមួយចំនួនទៀត ក៏កំពុងចូលរួមសមយុទ្ធSecurity Bond-2023 ដើម្បី«ពង្រឹងកិច្ចសហការអនុវត្តជាក់ស្តែងរវាងកងទ័ពជើងទឹកនៃប្រទេសចូលរួមនិងចាក់បញ្ចូលថាមពលវិជ្ជមានទៅក្នុងសន្តិភាពនិងស្ថិរភាពតំបន់»។
សមយុទ្ធចាប់ពីថ្ងៃពុធដល់ថ្ងៃអាទិត្យនេះត្រូវបានរៀបចំធ្វើឡើងចំពេលភាពតានតឹងកើនឡើងរវាងអាម៉េរិកនិងចិនលើបញ្ហាមួយចំនួនធំចាប់ពីតៃវ៉ាន់ សមុទ្រចិនខាងត្បូង សិទ្ធិមនុស្ស ពាណិជ្ជកម្មរហូតដល់សង្គ្រាមអ៊ុយក្រែន។
អ៊ីរ៉ងនិងអាម៉េរិកក៏ជាគូសត្រូវនឹងគ្នាចាប់តាំងពីការបង្កើតសាធារណរដ្ឋអ៊ីស្លាមនៅឆ្នាំ១៩៧៩ និងការចាប់អ្នកការទូតអាម៉េរិកធ្វើជាចំណាប់ខ្មាំង។
ចិនបានបញ្ជូននាវាពិឃាតណាននីញ(Nanning)បំពាក់កាំជ្រួចបញ្ជានាំផ្លូវ ទៅចូលរួមសមយុទ្ធដែលផ្តោតលើការងារស្វែងរកនិងជួយសង្គ្រោះនៅសមុទ្រព្រមទាំងបេសកកម្មមិនប្រយុទ្ធដទៃទៀត៕
ចិនបញ្ជូននាវាពិឃាតNanningបំពាក់កាំជ្រួចបញ្ជានាំផ្លូវ ទៅចូលរួមសមយុទ្ធនេះ