ដោយ៖ សុវណ្ណកុម្ភៈ / ភ្នំពេញ៖ ក្នុងពិធីមហាសន្និបាតបញ្ចប់អាណត្តិទី៦ និងបន្តទិសដៅ អាណត្តិទី៧ ឆ្នាំ២២០៣-២០២៦ នាថ្ងៃទី១៥ ខែមីនា ឆ្នាំ២០២៣ ម្សិលមិញនេះ របស់សហព័ន្ធកីឡាវាយកូនបាល់កម្ពុជា អ្នកឧកញ៉ា សៀ ឫទ្ធី បានទទួលការគាំទ្រ ជាប្រធានសហព័ន្ធកីឡាវាយកូនបាល់កម្ពុជា អាណត្តិទី៧ ។
សម្រាប់អាណត្តិទី៧ ឆ្នាំ២០២៣-២០២៦ សមាជិកប្រតិបត្តិ មាន ១១ រូបរួម មាន អ្នកឧកញ៉ា សៀ ឫទ្ធី ក្លាយជាប្រធានសហព័ន្ធកីឡាវាយកូនបាល់កម្ពុជា អាណត្តិទី៧ លោកស្រី ឧត្តមសេនីយ៍ ស៊ុំ សុខា អនុប្រធាន លោក ទេព រិទ្ធីវិទ្ធ អគ្គលេខាធិការ លោក ជា ពៅ អគ្គលេខាធិការរង អ្នកស្រី ឯក ប៊ុនលក្ខណា អគ្គហេរញ្ញិក លោក ឈាង សវណ្ណ អគ្គហេរញ្ញិករង។ ក្រៅពីនោះ មានលោក ឡុង ជំនិត្យ លោក ដាន់ រ៉ាន់ លោក ចាន់វាសនា លោក យ៉ែម សំអាត និងលោក ឈូ អៀស៊ុន ជាសមាជិក ។
អ្នកឧកញ៉ា សៀ ឫទ្ធី បានប្រកាសថាៈ ក្រុមកីឡាករ-កីឡាការិនី វាយកូនបាល់កម្ពុជា ដែលដណ្តើមមេដាយមាស នៃព្រឹត្តិការណ៍ការប្រកួតកីឡា SEA GAMES 2023 លើកទី៣២ ដែលប្រទេសកម្ពុជា ធ្វើម្ចាស់ការប្រកួតនោះ ក្នុងនាមជាប្រធានសហព័ន្ធ នឹងផ្តល់ប្រាក់រង្វាន់ ដែលជាថវិការបស់លោកផ្ទាល់តែម្ដង៕/V/r
