ដោយ៖ រ៉ាម៉ន / ភ្នំពេញ៖ លោក កៀង ល័ក្ស អភិបាលខណ្ឌចំការមន និងជាប្រធាន គណៈកម្មាធិការអនុសាខាកាកបាទក្រហមកម្ពុជា ខណ្ឌចំការមន បាននាំយក អំណោយដ៏ថ្លៃថ្លារបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទ ក្រហមកម្ពុជា តាមរយៈលោក ឃួង ស្រេង ប្រធានកាកបាទក្រហមរាជធានីភ្នំពេញ មកផ្ដល់ជូនដល់បងប្អូនប្រជាពលរដ្ឋ រស់នៅក្នុងភូមិ៤ ផ្លូវ១០៥ សង្កាត់ផ្សារដេីមថ្កូវ ខណ្ឌចំការមនសរុបចំនួន ៥គ្រួសារ ដែលកំពុងតែជួបទុក្ខលំបាក ដោយគ្រោះអគ្គិភ័យនៅថ្ងៃទី២០ ខែមីនា ឆ្នាំ២០២៣ ។
ក្នុងឱកាសនោះ លោក កៀង ល័ក្ស បានសូមឱ្យបងប្អូនថែទាំសុខភាព ឱ្យបានល្អ និងមានការប្រុងប្រយ័ត្ន ហើយការពារជាមុន ចៀសវាងជួបបញ្ហាគ្រោះអគ្គិភ័យ កុំឱ្យកើតមានជាថ្មីម្ដងទៀត។
មន្ត្រីសាលាខណ្ឌ បានឱ្យដឹងថា៖ អំណោយដែលលោកអភិបាលខណ្ឌ ផ្ដល់ជូនក្នុងមួយគ្រួសារ បានទទួលអង្ករ ១បាវ ស្មេីនឹង ២៥ គីឡូក្រាម ទឹកស៊ីអុីវ ចំនួន១យួរ ទឹកត្រី១យួរ ត្រីខ១យួរ មី១កេស តង់ចំនួន១ ថវិកាចំនួន ២០០.០០០ រៀល។
ក្រោយពីទទួលបានអំណោយបងប្អូនប្រជាពលរដ្ឋដែលរងគ្រោះ បានថ្លែងអំណរអរ គុណចំពោះទឹកចិត្តដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តែងតែយកចិត្តទុកដាក់ចំពោះបងប្អូនប្រជាពលរដ្ឋកំពុងតែជួបទុក្ខលំបាក៕ V / N
