ប្រែសម្រួល : កញ្ញាដាលីស (ដេល្លីម៉េល) ៖ រូបភាពមិនគួរឱ្យជឿនៃពពកធូលីដែលកើតឡើង នៅពេលដែលយានអវកាស Double Asteroid Redirection Test (DART) របស់អង្គការណាសាបំបុកលើអាចម៍ផ្កាយមួយ ត្រូវបានលាតត្រដាង។
យានអវកាសទំហំប៉ុនទូទឹកកកនេះបានបំបុកជាមួយនឹងថ្មអវកាសប្រវែង ១៦៩ ម៉ែត្រ ដែលគេស្គាល់ថា Dimorphos កាលពីថ្ងៃទី ២៦ ខែកញ្ញាឆ្នាំមុន។គោលបំណងនៃបេសកកម្មនេះគឺដើម្បីបង្ហាញថា បច្ចេកវិជ្ជានេះនឹងអាចបំប៉ើងអាចម៍ផ្កាយ ដែលអាចបង្កគ្រោះថ្នាក់ដល់ផែនដីនាពេលអនាគត។
ក្នុងខែនេះ គេបានលាតត្រដាងថា យាន DART បានកាត់បន្ថយពេលវេលានៃគន្លងរបស់អាចម៍ផ្កាយដាយម័រហ្វូស( Dimorphos) អស់ ៣៣ នាទី ដែលច្រើនជាងការព្យាករណ៍ជិត ៥ ដងហើយវាត្រូវបានចាត់ទុកថាជាជោគជ័យ។
អ្នកវិទ្យាសាស្ត្រនៅសាកលវិទ្យាល័យអេឌីនបឺក (Edinburgh) បានសិក្សាពីលទ្ធផលនៃការប៉ះទង្គិចនេះ រួមទាំងអ្វីដែលមាននៅក្នុងកម្ទេចកម្ទីដែលវាបានបន្សល់ទុកនិងរបៀបដែលវាស្អិតជាប់គ្នាវិញតាមពេលវេលា។
និស្សិតថ្នាក់បណ្ឌិត លោក ប្រាយអែន មឺហ្វ៊ី (Brian Murphy) បាននិយាយថា “អាចម៍ផ្កាយគឺជាវត្ថុធាតុមូលដ្ឋានបំផុតនៃអ្វីដែលភពនិងព្រះចន្ទនៅក្នុងប្រព័ន្ធសុរិយគតិរបស់យើងត្រូវបានបង្កើតឡើង”។
ពពកធូលីសេសសល់បន្ទាប់ពីយាន DART បំបុកចូលអាចម៍ផ្កាយ Dimorphos ក្នុងល្បឿន ២២.០០០ គីឡូម៉ែត្រក្នុងមួយម៉ោង អាចប្រាប់យើងអំពីអ្វីដែលបានកើតឡើងនៅពេលដែលប្រព័ន្ធសុរិយគតិរបស់យើងត្រូវបានបង្កើតឡើង។
វាក៏អាចផ្តល់ព័ត៌មានបន្ថែមអំពីសមាសធាតុគីមីនៃអាចម៍ផ្កាយទាំងនេះផងដែរ៕
ពពកធូលីពីអាចម៍ផ្កាយ Dimorphos អាចប្រាប់ព័ត៌មានជាច្រើនដល់អ្នកស្រាវជ្រាវ