ដោយៈសុផល/ភ្នំពេញ៖ វិចិត្រករជប៉ុន លោក Yamada Takakazu និងជានាយកសាលាសិល្បៈយ៉ាម៉ាដា(Yamada School of Art) បានបង្រៀនកុមារខ្មែរឱ្យចេះគូរគំនូរ បណ្តុះគំនិតឱ្យនិងយល់ពីសារៈសំខាន់នៃសិល្បៈគំនូរ។
សិស្សានុសិស្សជាច្រើនមកពីសាលាបឋមសិក្សាសំបួរ ខេត្តកំពង់ស្ពឺ បានទទួលការបង្រៀនអំពីការគូរគំនូរ ការផាត់ពណ៌ និងមូលដ្ឋាននៃការគូរពីលោក Yamada Takakazu កាលពីថ្ងៃទី២១ ខែមីនា ឆ្នាំ២០២៣នៅមជ្ឈមណ្ឌលសហប្រតិបត្តិការកម្ពុជា ជប៉ុន។ក្នុងកម្មវិធីគូរគំនូរនេះក៏មានការចូលរួមពីនិស្សិតដេប៉ាតឺម៉ង់ភាសាជប៉ុនផងដែរ។
លោក Yamada បានមានប្រសាសន៍ថា៖លោកចង់ឱ្យកុមារកម្ពុជាចេះគូគំនូរ យល់ដឹងពីមូលដ្ឋាននៃការគូរគំនូរនិងបណ្តុះគំនិតឱ្យស្រលាញ់សិល្បៈគំនូរ។លោកក៏ចង់ផ្សព្វផ្សាយនិងចង់ឱ្យមុខវិជ្ជាគំនូរនេះ បញ្ចូលទៅក្នុងកម្មវិធីសិក្សារបស់សាលារៀនផងដែរ។
សូមបញ្ជាក់ថា៖ក្រោមគម្រោង «Lost Khmer Art » ការបង្ហាត់បង្រៀនគូរគំនូរដល់សិស្សានុសិស្សបឋមសិក្សាសំបួរជាលើកដំបូងនេះទទួលបានការគាំទ្រពីសាកលវិទ្យាល័យ Showa Women’s University និងសាលាYamada School of ART ។
គួរឱ្យដឹងថា៖លោក Yamada Takakazu កើតនៅទីក្រុង ណាហ្គោយ៉ា ប្រទេសជប៉ុន នៅក្នុងឆ្នាំ១៩៥៧។ តាំងពីវ័យកុមារ លោក Yamada មានចិត្តស្រឡាញ់សិល្បៈខ្លាំង ជារឿយៗ លោកតែងតែ ងើងឆ្ងល់ ហើយ ចង់ដឹង ចង់យល់ អំពីផ្នត់គំនិតសិល្បៈ និង ទស្សនៈរបស់វិចិត្រកផ្សេងៗ។ នៅក្នុងឆ្នាំ ១៩៨១ លោក Yamada បានបញ្ចប់ថ្នាក់បរិញ្ញាបត្រគំនូរ នៅសាកលវិទ្យាល័យវិចិត្រសិល្បៈ នៅទីក្រុងអាឈី នៅប្រទេសជប៉ុន ហើយវាក៏ជាលើកទីមួយដែរដែល គំនូរស្នាដៃសិល្បៈរបស់លោកត្រូវបានធ្វើការតាំងពិព័រណ៍នៅវិទ្យាស្ថានសិល្បៈជប៉ុន។
នៅឆ្នាំ ១៩៩៤ យ៉ាម៉ាដាបានមកទស្សនាប្រទេសកម្ពុជាជាលើកដំបូង ហើយលោកចាប់អារម្មណ៏យ៉ាងខ្លាំងចំពោះសិល្បៈ វប្បធម៌ និងប្រពៃណីខ្មែរ ដ៏ល្អរបស់ខ្មែរ ដែលដិតជាប់នៅក្នុងចិត្តរបស់លោក។ ក្រោយមកនៅ ឆ្នាំ ២០០៨ លោក Yamada មានឱកាសធ្វើជាអ្នកសាស្ត្រាចារ្យសិល្បៈនៅសាកលវិទ្យាល័យភូមិន្ទវិចិត្រសិល្បៈ នៃ ប្រទេសកម្ពុជា ហើយនៅពេលនោះហើយដែល លោក Yamada មានឱកាសមកប្រទេសកម្ពុជាជាញឹកញាប់។ ដោយចិត្តស្រឡាញ់ សិល្បៈខ្មែរខ្លាំង លោក Yamada យ៉ាម៉ាដាបានបង្កើតសាលាសិល្បៈឈានមុខគេមួយនៅក្នុងប្រទេសកម្ពុជា នៅឆ្នាំ ២០១២ ដែលមានឈ្មោះថា សាលាសិល្បៈយ៉ាម៉ាដា ដែលបង្កើតឡើងក្នុងគោលបំណង បណ្តុះបណ្តាលជំនាញ និង ជំរុញទឹកចិត្តដល់សិល្បករខ្មែរ ស្រាឡាញ់ និង អភិរក្ស សិល្បៈខ្មែរឱ្យនៅគង់វង្ស៕Ph
