ប្រែសម្រួលៈបំណង(ដេល្លីម៉េល)៖កូរ៉េខាងជើងបានសាកល្បងដ្រូនវាយប្រហារនុយគ្លេអ៊ែរ ដែលរចនាឡើងដើម្បីបញ្ចេញ«ស៊ូណាមីវិទ្យុសកម្ម»មួយ ដែលនឹងបំផ្លាញកងនាវាកងនាវានិងកំពង់ផែរបស់សត្រូវ នេះបើតាមការផ្សាយរបស់ប្រព័ន្ធផ្សព្វផ្សាយរដ្ឋកាលពីថ្ងៃសុក្រទី២៤មីនា។
ទីភ្នាក់ងារសារព័ត៌មានកូរ៉េខាងជើងKCNAបាននិយាយថា ក្នុងអំឡុងការហ្វឹកហាត់កាលពីថ្ងៃអង្គារដល់ថ្ងៃព្រហស្បតិ៍ យោធាកូរ៉េខាងជើងបានបញ្ជូនចេញនិងបាញ់សាកល្បងប្រព័ន្ធសព្វាវុធថ្មីនេះក្នុងបេសកកម្មដើម្បីបង្កើតរលកបំផ្លិចបំផ្លាញធំធេងមួយ។«ដ្រូនវាយប្រហារនុយគ្លេអ៊ែរក្រោមទឹកអាចត្រូវបានដាក់នៅឆ្នេរឬកំពង់ផែណាមួយឬតាមនាវាអូសណាមួយសំរាប់ធ្វើប្រតិបត្តិការ។សព្វាវុធសម្ងាត់ត្រូវបានដាក់ក្នុងទឹកនៅឯនាយឆ្នេរខេត្ត ហាំយ៉ុនខាងត្បូង(Hamgyon)កាលពីថ្ងៃអង្គារ និងនៅថ្ងៃព្រហស្បតិ៍វាបានបំផ្ទុះក្បាលគ្រាប់សាកល្បងមួយ»។
ទីភ្នាក់ងារបាននិយាយទៀតថា គណៈកម្មាធិការយោធាកណ្តាលកូរ៉េរបស់បក្សកម្មករ បានត្រួតមើលការហ្វឹកហាត់នេះដើម្បីរំលឹកសត្រូវអំពីវិបត្តិនុយគ្លេអ៊ែរពិតនិងបញ្ជាក់អំពីភាពជឿជាក់នៃកងកម្លាំងនុយគ្លេអ៊ែរសំរាប់ការការពារខ្លួនរបស់យើង។«មេដឹកនាំគីម ជុងអ៊ុនបានដឹកនាំសមយុទ្ធនេះនិងបាននិយាយថា វាប្រើជាការព្រមានទៅអាម៉េរិកនិងកូរ៉េខាងត្បូងអោយបានដឹងច្បាស់ថា«សមត្ថភាពរារាំងសង្គ្រាមនុយគ្លេអ៊ែររបស់កូរ៉េខាងជើងត្រូវបានបង្កើនក្នុងល្បឿនខ្លាំងឡើង»។
«លោកមានបំណងអោយពួកចក្រពត្តិអាម៉េរិកនិងរបបអាយ៉ងកូរ៉េខាងត្បូងធ្លាក់ក្នុងការអស់សង្ឃឹមខ្លាំង តាមរយៈការបង្ហាញសមត្ថភាពរារាំងសង្គ្រាមដ៏ខ្លាំងក្លា»។
សូមបញ្ជាក់ថា ក្រោយការផ្អាកសមយុទ្ធយោធារួមគ្នានិងកូរ៉េខាងជើងកាន់តែគំរាមខ្លាំងឡើង អាម៉េរិកនិងកូរ៉េខាងត្បូងបានបង្កើនកិច្ចសហការសន្តិសុខឡើងវិញដោយកាលពីថ្ងៃ១៣មីនាបានចាប់ផ្តើមសមយុទ្ធយោធារួមគ្នាធំបំផុតក្នុងរយៈពេលប្រាំឆ្នាំមកនេះ។
កាលពីថ្ងៃពុធKCNAបាននិយាយថា កូរ៉េខាងជើងបានបាញ់កាំជ្រួចបណ្តែតយុទ្ធសាស្ត្រ បំពាក់ក្បាលគ្រាប់សាកល្បង ដែលធ្វើដូចជាក្បាលគ្រាប់នុយគ្លេអ៊ែរមួយ។កាំជ្រួចធុនHwasal-1ពីរដើមនិងកាំជ្រួចHwasal-2ពីរដើមត្រូវបានបាញ់ចេញពីខេត្ត ហាំយ៉ុនខាងត្បូង ដោយពួកវាបានធ្លាក់ចំគោលដៅនៅក្នុងសមុទ្រខាងកើត៕
គំរូនៃកាំជ្រួចផ្លោងឆ្លងទ្វីបរបស់កូរ៉េខាងជើង ត្រូវបាននាំមកដង្ហែក្បួនយោធាមួយកាលពីខែកុម្ភៈដើម្បីប្រារព្វខួបបង្កើតកងទ័ពប្រជាជនកូរ៉េ