ដោយ: វៃកូ/ស្វាយរៀង: លោក តូច ប៉ូលីវ៉ា និង លោក សេង សីលា អភិបាលរងខេត្តស្វាយរៀងតំណាងលោក ម៉ែន វិបុល អភិបាលខេត្តនៅព្រឹកថ្ងៃទី២៩ខែមីនាឆ្នាំ២០២៣នេះបានអញ្ជើញចុះពិនិត្យនិងអុជធូបដើម្បីសុំសេចក្តីសុខនៅកន្លែងរៀបចំសង្ក្រាន្តដើម្បីអបអរសាទរបុណ្យចូលឆ្នាំខ្មែរឆ្នាំថ្មីដែលនឹងប្រព្រឹត្តទៅនាពេលឆាប់ៗខាងមុខនេះស្ថិតនៅក្នុងតំបន់ត្រជាក់ចិត្តដែលមានទីតាំងខាងមុខសាលាខេត្តស្វាយរៀង។
លោក អុឹម មេសា ប្រធានអង្គភាពរដ្ឋាករទឹកស្អាតស្វាយរៀងបានឲ្យដឹងថា: សំរាប់ឆ្នាំនេះសង្ក្រាន្តស្វាយរៀងដែលនឹងប្រារព្ធធ្វើឡើងនៅអំឡុងចូលឆ្នាំខ្មែរនាពេលឆាប់ៗខាងមុខនេះនឹងកាន់តែសប្បាយនិងប្លែកខ្លាំងជាងឆ្នាំមុនៗទៀតពោលគឺបានអាប់ដេតថ្មីដោយបំពាក់ប្រព័ន្ធបាញ់ទឹកទៀតផងនៅតំបន់ត្រជាក់ចិត្តដើម្បីត្រៀមស្វាគមន៍ប្រជាពលរដ្ឋមកលេងកម្សាន្ត។
លោកបានបន្តថា:ប៉ុន្មានថ្ងៃនេះលោកនិងក្រុមការងារកំពុងតែមមាញឹកក្នុងការរៀបចំតប្រព័ន្ធបាញ់ទឹកនៅតំបន់ត្រជាក់ចិត្តសង្ក្រាន្តស្វាយរៀងនៅខាងមុខសាលាខេត្តស្វាយរៀង។
លោកបានបន្ថែមទៀតថា «តំបន់ត្រជាក់ចិត្ត សង្ក្រាន្តស្វាយរៀង» បានបង្ហាញពីការធ្វើតេស្តបាញ់ទឹកពីលើដែលបាចសាចជះពេញផ្លូវតែម្តងខុសពីបណ្តាឆ្នាំមុនៗដែលរៀបចំទុយយោរទឹកកាត់ទទឹងថ្នល់។
សូមបញ្ជាក់ផងដែរថា: ដែរថា នៅតំបន់ត្រជាក់ចិត្តនេះ ក្រុមការងាររៀបចំសង្ក្រាន្តស្វាយរៀង ក៏បានរៀបចំដាក់ពាងរួចជាស្រេចមកហើយផងដែរ។ សង្ក្រាន្តស្វាយរៀងបានអាក់ខានលេងកំសាន្តអស់រយ:ពេល៣ឆ្នាំកន្លងមកហើយដោយសារបញ្ហាជម្ងឺកូវីដ១៩។ ហើយកាលពីពេលកន្លងទៅ គឺអាជ្ញាធរបានរៀបចំរថយន្តពន្លត់អគ្គិភ័យ ដើម្បីបាញ់ស្រោចទៅអ្នកចូលរួមឱ្យត្រជាក់កាយចិត្តព្រមទាំងមានការប្រគុំដន្ត្រីយិ៍សម័យនិងមានលេងល្បែងប្រជាប្រិយ៍នៅតាមទីវត្តអារាមថែមទៀតផង៕/R
