ប្រែសម្រួលៈបំណង(ដេល្លីម៉េល)៖ ទំនាក់ទំនងរវាងចិននិងសិង្ហបុរីបានកំណត់ចំណុចគោលឬសញ្ញាសំគាល់មួយសំរាប់ប្រទេសនានាក្នុងតំបន់ នេះបើតាមប្រធានាធិបតីចិន ស៊ី ជីនពីង ប្រាប់នាយករដ្ឋមន្ត្រីសិង្ហបុរី លោកលី សៀន ឡុង កាលពីថ្ងៃសុក្រ ក្នុងអំឡុងពេលលោកធ្វើទស្សនកិច្ចទីក្រុងប៉េកាំង។
យោងតាមទូរទស្សន៍ចិនCCTVលោកស៊ីបានប្រាប់លោកលីថា ចិនមានបំណងធ្វើការជាមួយសិង្ហបុរីក្នុងការស្ថាបនា«ផ្លូវគោកនិងសមុទ្រថ្មីៗ»។
ក្នុងអំឡុងជំនួបនៅក្រុងប៉េកាំង លោកស៊ីបានមានប្រសាសន៍ថា អនុត្តរភាព(ភាពនៃបុគ្គលដែលគ្មាននរណាអាចផ្ទឹមស្មើបាន)និងការសម្លុតគំរាមគេឯងត្រូវតែប្រឆាំងជំទាស់និងគ្មានណាផ្សេងគួរត្រូវបានអនុញ្ញាតអោយដកហូតសិទ្ធិរបស់ប្រជាជនអាស៊ីក្នុងការស្វះស្វែងរកជីវិតកាន់តែល្អឡើងរបស់ខ្លួនទេ។
មេដឹកនាំចិនមិនបានចុចឈ្មោះប្រទេសណាមួយទេ។
ពាក្យសម្តីដ៏កក់ក្តៅសំរាប់លោកលី កើតឡើងចំពេលរដ្ឋាភិបាលទីក្រុងប៉េកាំងកាន់តែមានទំនាក់ទំនងល្អក់កករជាមួយបណ្តាប្រទេសលោកខាងលិច ជាពិសេសជាមួយអាម៉េរិក អំពីបញ្ហាជាច្រើនចាប់អ៊ុយក្រែនរហូតដល់សិទ្ធិមនុស្ស។
មុនដំណើរទស្សនកិច្ច លោកលីបានប្រាប់CCTVថា«ប្រទេសដទៃត្រូវតែទទួលស្គាល់ថាចិនថ្ងៃនេះ មិនមែនជាចិនដូចកាលពីមុនទេ។ប្រទេសនេះរីកចំរើនសំបូរសប្បាយកាន់តែខ្លាំង ចូលរួមចំពោះសេដ្ឋកិច្ចសកលកាន់តែច្រើនឡើងនិងសម្លេងអន្តរជាតិរបស់ចិនក៏កាន់តែឮខ្លាំង»។
យោងតាមសេចក្តីថ្លែងការណ៍រួមមួយរបស់ប្រទេសទាំងពីរចេញផ្សាយក្នុងគេហទំព័រនៃក្រសួងការបរទេសចិនកាលពីថ្ងៃសៅរ៍ ចិននិងសិង្ហបុរីមានបំណងចុះហត្ថលេខាលើកិច្ចព្រមព្រៀងពាណិជ្ជកម្មសេរីដែលកែសម្រួលថ្មីមួយនៅក្នុងឆ្នាំនេះផ្អែកលើការចរចាក្រោមពិធីសារមួយនៅឆ្នាំ២០១៨។
មេដឹកនាំចិនបានអះអាងថា សេដ្ឋកិច្ចចិននឹងបន្តរីកចំរើន ដើរតួជាកម្លាំងរក្សាស្ថិរភាពនៅក្នុងស្ថានភាពសកលលោកបច្ចុប្បន្ន និងអាចជាក្បាលម៉ាស៊ីននៃកំណើនសំរាប់ការរើបរើសេដ្ឋកិច្ចសកលលោកផងដែរ។
សូមបញ្ជាក់ថា ចិនជាដៃគូពាណិជ្ជកម្មធំបំផុតរបស់សិង្ហបុរី នៅពេលរដ្ឋបែបជាទីក្រុងនេះគឺជាអ្នកវិនិយោគបរទេសធំបំផុតរបស់ចិន។
វាជាដំណើរទស្សនកិច្ចលើកដំបូងរបស់លីនៅចិនចាប់តាំងពីឆ្នាំ២០១៩ នៅមុនការផ្ទុះកូវីដ១៩នៅទូទាំងពិភពលោក។
ជំនួបរវាងលោកស៊ីនិងលោកលី នៅមហាសាលប្រជាជនក្នុងក្រុងប៉េកាំងកាលពីថ្ងៃ៣១មីនា
ក្នុងជំនួបជាមួយសមភាគីចិនកាលពីថ្ងៃសៅរ៍ទី១មេសា លោកលីត្រូវបានលោកនាយករដ្ឋមន្ត្រីចិន លី ឈាង ប្រាប់ថារដ្ឋាភិបាលចិនចង់ធ្វើការជាមួយសិង្ហបុរីនិងបង្កើនការដោះដូរគ្នាអំពីការធ្វើទំនើបកម្មនិងការអភិវឌ្ឍ។
លោកលី ឈាង បាននិយាយថា ភារកិច្ចស្នូលរបស់រដ្ឋាភិបាលលោកគឺត្រូវប្រែក្លាយផែនការដែលសមាជបក្សដាក់ចេញកាលពីខែតុលាឆ្នាំ២០២២អោយទៅជា«ផែនការសកម្មភាព។នេះជាសារច្បាស់មួយដែលយើងកំពុងបញ្ជូនទៅកាន់ពិភពលោកខាងក្រៅ»។
ដោយបានកត់សំគាល់ថា សិង្ហបុរីបានចូលរួមពាក់ព័ន្ធក្នុងយុទ្ធនាការធ្វើទំនើបកម្មរបស់ចិនចាប់តាំងពីចិនចាប់ផ្តើមកែទំរង់និងបើកចំហ លោកលី ឈាង បាននិយាយថារដ្ឋាភិបាលរបស់លោកចង់នាំទំនាក់ទំនងទ្វេភាគីអោយឡើងដល់កំរិតថ្មីមួយ ដើម្បី«ពួកយើងនាំផលប្រយោជន៍អោយដល់ប្រជាជនយើងនិងចូលរួមចំណែកដល់សន្តិភាព ស្ថិរភាព ការអភិវឌ្ឍ វិបុលភាពនិងហួសពីនេះ»៕
នាយករដ្ឋមន្ត្រីចិន លី ឈាង ក៏បញ្ជាក់ប្រាប់សមភាគីសិង្ហបុរីថា ចិនចង់ធ្វើការជាមួយសិង្ហបុរី