ដោយ៖ សុវណ្ណកុម្ភៈ / ភ្នំពេញ៖ ក្រុមបាល់ទាត់ជម្រើសជាតិនារី កំពុងតែបន្ដ ហ្វឹកហាត់ យ៉ាងខ្លាំងក្លា នៅប្រទេសចិន ដើម្បីត្រឿមចូលរួមប្រកួត ក្នុងព្រឹត្តិការណ៍ស៊ីហ្គេម នាពេលខាងមុខនេះ ។
ពេលនេះ ទាំងកម្លាំង ទាំងបច្ចេកទេស និងកលល្បិចមានការរីចម្រើនខ្លាំង មិនដូចកាល ពីស៊ីហ្គេមលើកទី៣១ នៅប្រទេសវៀតណាមឡើយ។ ការលេង មានការស៊ីសង្វាក់គ្នា បានយ៉ាងល្អ ការគ្រប់គ្រងបាល់ ការបញ្ជូនបាល់ឲ្យគ្នា ទៅវិញទៅមកប្រកបដោយកាយវិការរហ័សរហួន និងមានការទទួលខុសត្រូវ ខ្ពស់។ បច្ចេកទេសលេងផ្ទាល់ខ្លួន និងបច្ចេកទេសលេងជាក្រុម ក៏ប្រសើរជាងមុន និយាយឲ្យចំ ពួកគេមានស្មារតីក្រុមល្អ ព្រមទាំងមានការជឿជាក់លើគ្នា ទៅវិញ ទៅមក។
សូមបញ្ជាក់ថា ការចាប់ចាប់ឆ្នោត ចែកពូលវិញ្ញាសាបាល់ទាត់នារីក្នុងព្រឹត្តិការណ៍ ស៊ីហ្គេម ២០២៣ នឹងធ្វើឡើងនៅថ្ងៃពុធ ទី០៥ខែមេសា ឆ្នាំ២០២៣។ គេមិន ទាន់ដឹងនៅឡើយទេថា ការចាប់ឆ្នោតចែកពូល នាថ្ងៃទី៥ មេសាខាងមុខនេះ ក្រុមបាល់ទាត់ជម្រើសជាតិនារីកម្ពុជា នឹងស្ថិតក្នុងពូលជាមួយប្រទេសណាខ្លះ នោះទេ។ តោះ! ចាំមើលពេលនោះ កម្ពុជានៅក្នុងពូលណាជាមួយប្រទេសណា៕/V-PC
