ប្រែសម្រួល : កញ្ញាដាលីស (ដេល្លីម៉េល) ៖ ក្រុមអ្នកវិទ្យាសាស្ត្របានបង្កើតឯតទគ្គកម្មថ្មីសម្រាប់ការរកឃើញត្រីទឹកជ្រៅបំផុតមិនធ្លាប់មាននៅជម្រៅជាង ២៧.០០០ហ្វីត(៨.២២៩,៦ម៉ែត្រ)ក្រោមនីវ៉ូទឹកសមុទ្រ។
ប្រភេទត្រីនេះត្រូវបានថតបាននៅជម្រៅ ២៧.៣៤៩ ហ្វីត (៨.៣៣៦ ម៉ែត្រ) គឺជិតស្មើនឹងកម្ពស់ភ្នំអេវើរ៉េសក្នុងតំបន់អន្លង់សមុទ្រអ៊ីហ្ស៊ូអូហ្គាសាវ៉ារ៉ា (Izu-Ogasawara) ភាគខាងត្បូងប្រទេសជប៉ុន។
សាស្ត្រាចារ្យ អាឡាំង ជេមីសសុន (Alan Jamieson) ជាអ្នកវិទ្យាសាស្ត្រឈានមុខ បាននិយាយថា ត្រីនេះអាចរស់នៅជម្រៅអតិបរមា ដែលត្រីផ្សេងទៀតមិនអាចរស់នៅបានហើយប្រហែលជាធ្វើដូច្នេះ មកពីទឹកក្នុងអន្លង់មានសភាពក្ដៅឧណ្ហៗ។
ទោះបីជាវាមិនត្រូវបានកំណត់អត្តសញ្ញាណពេញលេញក៏ដោយ ក៏ប៉ុន្តែត្រីនេះស្រដៀងគ្នានេះត្រូវបានប្រទះឃើញនៅជម្រៅ ២៦.៣១៩ ហ្វីតកាលពីមុនដែលបានបង្កើតឯតទគ្គកម្មសម្រាប់ត្រីទឹកជ្រៅបំផុតមិនធ្លាប់មាន។
សាស្ត្រាចារ្យចេមីសុនបានប្រាប់ BBC News ថា “ប្រសិនបើកំណត់ត្រានេះត្រូវបានបំបែក វានឹងខុសគ្នាតែពីរបីម៉ែត្រប៉ុណ្ណោះ”៕
ត្រីប្រភេទនេះត្រូវបានរកឃើញនៅអន្លង់សមុទ្រអ៊ីហ្ស៊ូអូហ្គាសាវ៉ារ៉ានៅជម្រៅ ៨.៣៣៦ ម៉ែត្រនៅភាគខាងត្បូងប្រទេសជប៉ុន