ប្រែសម្រួល : កញ្ញាដាលីស (ដេល្លីម៉េល) ៖ ណាសាបានព្រមានថាមាន “បិសាចមើលមិនឃើញមួយកំពុងរត់គេចខ្លួន” ក្នុងទម្រង់ជា Black Hole (អន្លង់ខ្មៅ)។
អន្លង់ខ្មៅដ៏ធំសម្បើមនេះកំពុងបោះពួយពេញចក្រវាលយ៉ាងលឿន ដែលប្រសិនបើវាស្ថិតនៅក្នុងប្រព័ន្ធសុរិយគតិរបស់យើងវិញនោះ វាអាចធ្វើដំណើរពីផែនដីទៅព្រះចន្ទដោយប្រើពេលត្រឹម ១៤ នាទីប៉ុណ្ណោះ។
មានទម្ងន់ស្មើនឹងព្រះអាទិត្យចំនួន២០លាន វាបានបន្សល់ទុកនូវដានផ្កាយក្រោយការលេបត្របាក់ភព ដោយវាមានរង្វាស់ប្រវែង ២០០.០០០ ឆ្នាំពន្លឺ ស្មើនឹងពីរដងនៃអង្កត់ផ្ចិតមីលគីវ៉េ (Milky Way)។ អ្នកវិទ្យាសាស្ត្របានគូសបញ្ជាក់ពីលទ្ធភាពរកឃើញអន្លង់ខ្មៅនេះនៅក្នុងការសិក្សាមួយដែលដឹកនាំដោយសាកលវិទ្យាល័យយ៉េល (Yale) ។
សាស្ត្រាចារ្យ ភីតធឺ វ៉ាន់ ដុកគុម (Pieter van Dokkum) ដែលជាអ្នកដឹកនាំការស្រាវជ្រាវនេះ បាននិយាយថា “យើងគិតថាយើងកំពុងសង្កេតឃើញសាកសពភពនៅពីក្រោយអន្លង់ខ្មៅ ជាកន្លែងដែលឧស្ម័នមានភាពត្រជាក់និងអាចបង្កើតបានជាផ្កាយ”។
“ដូច្នេះ យើងកំពុងសម្លឹងមើលការកកើតផ្កាយនៅពីក្រោយអន្លង់ខ្មៅ”៕
អន្លង់ខ្មៅមួយកំពុងរុលចូលចក្រវាលរបស់យើង