ប្រធានាធិបតីបារាំងលោក អេមម៉ានុយអែល ម៉ាក្រុង បាននិយាយនៅក្នុងបទសម្ភាសន៍មួយដែលបានចេញផ្សាយកាលពីថ្ងៃអាទិត្យទី៩មេសាថា អឺរ៉ុបមិនត្រូវក្លាយជា “ខ្ញុំបម្រើ” ទាំងរបស់សហរដ្ឋអាម៉េរិក និងចិនអំពីបញ្ហាកោះតៃវ៉ាន់នោះទេ ដោយនិយាយថា ប្លុកនេះមិនត្រូវប្រថុយជាប់ពាក់ព័ន្ធនៅក្នុង “វិបត្តិដែលមិនមែនជារបស់យើង”។ការអត្ថាធិប្បាយរបស់លោកប្រថុយធ្វើឱ្យរដ្ឋាភិបាលក្រុងវ៉ាស៊ីនតោនខឹងសម្បា និងគូសបញ្ជាក់ពីការបែកបាក់គ្នានៅក្នុងសហភាពអឺរ៉ុបអំពីរបៀបប្រាស្រ័យទាក់ទងជាមួយចិនខណៈសហរដ្ឋអាម៉េរិក បង្កើនការប្រឈមមុខជាមួយគូប្រជែងកៀកបំផុតរបស់ខ្លួន ហើយរដ្ឋាភិបាលក្រុងប៉េកាំងកំពុងងាកខិតជិតរុស្ស៊ី បន្ទាប់ពីមានការឈ្លានពានអ៊ុយក្រែន។