ប្រែសម្រួលៈបំណង(បំណង)៖ នាវាពិឃាតមួយរបស់កងទ័ពជើងទឹកអាម៉េរិកបានបើកក្បែរកូនកោះគ្រប់គ្រងដោយចិននៅក្នុងសមុទ្រចិនខាងត្បូងកាលពីថ្ងៃចន្ទទី១០មេសា នៅក្នុងបេសកកម្មសេរីភាពនាវាចរណ៍មួយ ដែលរដ្ឋាភិបាលទីក្រុងប៉េកាំងតែងថ្កោលទោសថាជាទង្វើខុសខច្បាប់។
អាម៉េរិកតែងបញ្ជូននាវាបើកឆ្លងកាត់តំបន់នេះដើម្បីប្រឆាំងជំទាស់ការអះអាងកម្មសិទ្ធិរបស់ចិនជាញឹកញាប់ តែបេសកកម្មចុងក្រោយនេះកើតឡើងចំពេលដ៏រសើបបំផុតដោយសារតែកងទ័ពចិនកំពុងធ្វើសមយុទ្ធឡោមព័ទ្ធកោះតៃវ៉ាន់និងបាញ់គ្រាប់ពិតដើម្បីជាការព្រមានដល់អាជ្ញាធរតៃវ៉ាន់ដែលសមគំនិតអាក្រក់ជាមួយអាម៉េរិក។
កងនាវាទីប្រាំពីរអាម៉េរិកបាននិយាយថា នាវាUSS Miliusបានចូលរួមពាក់ព័ន្ធក្នុង«ប្រតិបត្តិការធម្មតា»នៅចម្ងាយ២០គីឡូម៉ែត្រពីតំបន់ថ្មប៉ប្រះទឹកមីសឆីហ្វរីហ្វ(Mischief Reef )នៅប្រជុំកោះស្ព្រ៉ាតលី កន្លែងដែលចិនសាងសង់អាកាសយានដ្ឋានមួយនិងសំណង់ដទៃទៀត។
កងនាវទីប្រាំពីរបាននិយាយក្នុងសេចក្តីថ្លែងការណ៍មួយថា« ក្រោយមច្បាប់អន្តរជាតិ…សណ្ឋានដីដូជាMischief Reefដែលលិចក្នុងទឹកពេលទឹកជោមិនជាសមុទ្រនៃដែនដីរបស់នរណាម្នាក់ទេ។ការអះអាងដែនដីនេះ និងសាងសង់ហេដ្ឋារចនាសម្ពន្ធលើMischief Reefមិនផ្លាស់ប្តូរស្ថានការណ៍ជាក់ស្តែងនៃការកំណត់លក្ខណៈចរិតនៅក្រោមច្បាប់អន្តរជាតិទេ»។
តែកងទ័ពរំដោះប្រជាជនចិនបាននិយាយថា នាវាអាម៉េរិកបានបើកចូលដែនទឹកក្បែរតំបន់ថ្មប៉ប្រះទឹកនេះដោយខុសច្បាប់ព្រោះគ្មានសុំការអនុញ្ញាតពីចិន ហើយកងកម្លាំងរបស់ចិនបានតាមដាននាវានេះនិងបានព្រមានវា។
បញ្ជាការយោធភូមិភាគខាងត្បូងចិនបាននិយាយថា«ចិនមានអធិបតេយ្យភាពគ្មានអ្នកជែងលើបណ្តាកូនកោះនៅក្នុងសមុទ្រចិនខាងត្បូងនិងតំបន់សមុទ្រនៅជុំវិញ»។
តំបន់Mischief Reefនេះនៅខាងលិចកោះប៉ាឡាវ៉ាន(Palawan)របស់ហ្វីលីពីន៕
កងនាវាទីប្រាំពីរបាននិយាយថា ពេលបញ្ចប់ប្រតិបត្តិការ នាវាMiliusបានចេញពី«តំបន់អះអាងលើសលប់»និងបន្តប្រតិបត្តិការនៅក្នុងសមុទ្រចិនខាងត្បូង