ដោយ:បាយ័ន/សៀមរាបៈ បន្ទាប់ពីសម្តេចតេជោ នាយកដ្ឋមន្ត្រីប្រកាសផ្តល់រថយន្តក្រុង ១០០គ្រឿងសម្រាប់ដឹកជញ្ជូនបងប្អូនប្រជាពលរដ្ឋដោយឥតគិតថ្លៃពីភ្នំពេញមកខេត្តសៀមរាប ពីខេត្តសៀមរាបទៅភ្នំពេញវិញ នាព្រឹកថ្ងៃទី១៣ ខែមេសា ឆ្នាំ២០២៣ ក្រោមការសម្របសម្រួល និងរៀបចំរបស់រដ្ឋបាលរាជធានីភ្នំពេញ រថយន្តក្រុង ទាំង១០០គ្រឿង ត្រូវបានដឹកអ្នកដំណើរចំនួន ៣ ៥០០នាក់ ពីរាជធានីភ្នំពេញឆ្ពោះមកគោលដៅខេត្តសៀមរាប(អ្នកដំណើរមួយចំនួនអាចចុះតាមផ្លូវ)។
សូមបញ្ជាក់ផងដែរថា ការចេញដំណើរពីរាជធានីភ្នំពេញមកខេត្តសៀមរាប ទីតាំងចំណត «រង្វង់មូលទេពមច្ឆា» (ជ្រោយ- ចង្វារ OCIC) រៀងរាល់ម៉ោង០៥៖៣០នាទីព្រឹក(ចេញជាបន្តបន្ទាប់រហូតអស់រថយន្ត) ចាប់ពីថ្ងៃទី១៣ ដល់ ថ្ងៃទី១៦ ខែមេសា ឆ្នាំ២០២៣។ ចំណែកការចេញដំណើរពីខេត្តសៀមរាប ទៅរាជធានីភ្នំពេញ ទីតាំងមណ្ឌលរដ្ឋបាលមន្ទីរខេត្តសៀមរាប (ផ្លូវ៦០ម៉ែត្រ)រៀងរាល់ម៉ោង១៣៖៣០នាទីរសៀល ចាប់ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៣ និងំវេលាម៉ោង០៥៖៣០នាទីព្រឹក សម្រាប់ថ្ងៃទី១៧ ខែមេសា ឆ្នាំ២០២៣។
នេះជាដំណភ្ជាប់កន្លែងចំណតនៅមណ្ឌលមន្ទីរ អង្គភាព: Administration Center of Siem Reap Provincial Departments
https://maps.app.goo.gl/bjmXYv6jdzggUZwK9?g_st=ic
