ប្រែសម្រួលៈបំណង(VXExpress)៖ រដ្ឋមន្ត្រីការបរទេសអាម៉េរិកលោក អ៊ែនថូនី ប្លីងកិន បាននិយាយថា អាហារវៀតណាមស្ថិតក្នុងចំណោមអាហារដែលមានរស់ជាតិបំផុតនៅក្នុងពិភពលោក។
លោកបានសរសេរបង្ហោះកាលពីថ្ងៃអាទិត្យថា «អ្នកមិនអាចមកលេងវៀតណាមដោយមិនភ្លក់អាហារនៅទីនេះបានទេ។អាហារវៀតណាមមានរស់ជាតិស្រស់បំផុតនិងយើងក៏ឃើញថាវាមានឥទ្ធិពលនៅទូទាំងអាម៉េរិកនៅតាមភោជនីយដ្ឋានរបស់យើងផ្ទាល់»។
លោកបានចូលទីក្នុងភោជនីយដ្ឋានបាយមួយឈ្មោះកំ តៃតាន(Com Tay Cam)នៅវិថីចាងទៀន(Trang Tien)កាលពីថ្ងៃសៅរ៍ កន្លែងដែលលោកភ្លក់ចាយ៉បំពងនិងបាយឆ្នាំងដី។
លោកបានលាន់មាត់ថា«ក្វាង៉ន» ជាភាសាវៀតណាម ដែលមានន័យថាឆ្ងាញ់ណាស់។
លោកប្លីនកិនបានទៅដល់វៀតណាមកាលពីយប់ថ្ងៃសុក្រដើម្បីចាប់ផ្តើមដំណើរទស្សនកិច្ចវៀតណាមបីថ្ងៃ តាមការអញ្ជើញពីរដ្ឋមន្ត្រីការបរទេសវៀតណាម។លោកក៏ចូលរួមក្នុងពិធីបញ្ចុះបឋមសិលានៅស្ថានទូតអាម៉េរិកថ្មីនៅក្រុងហាណូយកាលពីព្រឹកថ្ងៃសៅរ៍។
លោកបានចាកចេញពីវៀតណាមកាលពីថ្ងៃអាទិត្យឆ្ពោះទៅកាន់ជប៉ុនដើម្បីចូលរួមកិច្ចប្រជុំរដ្ឋមន្ត្រីការបរទេសក្រុមប្រទេសG7។
នៅថ្ងៃអាទិត្យនេះលោកបានសរសេរបង្ហោះថា « អរគុណប្រជាជនវៀតណាមដ៏អស្ចារ្យ និងអាជ្ញាធរវៀតណាមចំពោះការទទួលដំណើរទស្សនកិច្ចលើកទីមួយរបស់ខ្ញុំក្នុងនាមជារដ្ឋមន្ត្រីការបរទេស។មានការប្តេជ្ញាចិត្តរឹងមាំជាងពេលណាទាំងអស់ថានឹងពង្រឹងភាពជាដៃគូពិស្តាររវាងអាម៉េរិកនិងវៀតណាម ហើយធ្វើការរួមគ្នាដើម្បីជំរុញសន្តិភាពនិងតំបន់ឥណ្ឌូប៉ាស៊ីហ្វិកមួយសេរីនិងបើកចំហ»៕
រដ្ឋមន្ត្រីការបរទេស អ៊ែនថូនី ប្លីនកិន ដើរតាមវិថីនៃទីក្រុងហាណូយ ចូលទស្សនាក្លឹបតន្ត្រីមួយ និងទទួលទានអាហារពេលល្ងាចតាមភោជនីយដ្ឋានក្នុងក្រុងកាលពីថ្ងៃសៅរ៍
ប្លីនកិន ជួបលេខាបក្ស នាយករដ្ឋមន្ត្រីនិងរដ្ឋមន្ត្រីការបរទេសវៀតណាម មុនចាកចេញទៅជប៉ុន
លោកក៏ចូលរួមក្នុងការបញ្ចុះបឋមសិលានៅស្ថានទូតអាម៉េរិកថ្មីនៅក្រុងហាណូយកាលពីព្រឹកថ្ងៃសៅរ៍