ហ្វីលីពីននិងចិនបានយល់ព្រមបង្កើតបណ្តាញទំនាក់ទំនងបន្ថែម នៅពេលប្រធានាធិបតីហ្វែរឌីណង់​ ម៉ាកូស ជូនៀ បានសម្តែងជំនឿចិត្តថាបញ្ហាជម្លោះទឹកដីនៅក្នុងសមុទ្រចិនខាងត្បូងនឹងត្រូវដោះស្រាយដើម្បីជាផលប្រយោជន៍នៃប្រទេសទាំងពីរ។លោកម៉ាកូសកាលពីថ្ងៃសៅរ៍បានជួបទីប្រឹក្សារដ្ឋនិងរដ្ឋមន្រ្តីការបរទេស ឈីនហ្កាង ដែលបានទៅដល់រដ្ឋធានីម៉ានីលកាលពីយប់ថ្ងៃសុក្រ​សំរាប់ដំណើរទស្សនកិច្ចពីរថ្ងៃចំពេលភាពតានតឹងរវាង ប្រទេសទាំងពីរកើនឡើងក្រោយរដ្ឋាភិបាលទីក្រុងម៉ានីលអនុញ្ញាតអោយអាម៉េរិកប្រើប្រាស់មូលដ្ឋានទ័ពរបស់ខ្លួនបន្ថែម និងធ្វើសមយុទ្ធយោធាជាមួយកងកម្លាំងអាម៉េរិក។