ប្រែសម្រួលៈបំណង(ស្ពុតនិច)៖ រថក្រោះT-14 Armataជាយានប្រយុទ្ធជំនាន់ចុងក្រោយរបស់រុស្ស៊ីដែលបន្ទប់បាញ់របស់វាគ្មានមនុស្សបញ្ជាផ្ទាល់និងត្រូវបានបញ្ជាពីចម្ងាយ ។ទាហានក្នុងយាននេះត្រូវការពារក្នុងបន្ទប់ការពារគ្រាប់។
បើតាមសារព័ត៌មានស្ពុតនិចរបស់រុស្ស៊ី កងកម្លាំងប្រដាប់អាវុធរុស្ស៊ីបានចាប់ផ្តើមប្រើរថក្រោះទំនើបបំផុតT-14នេះក្នុងតំបន់ប្រតិបត្តិការយោធាពិសេសនៅអ៊ុយក្រែន។ប្រភពព័ត៌មានបាននិយាយថារថក្រោះ Armataកំពុងត្រូវបានប្រើដើម្បីបាញ់ផ្លោងដាក់ទីតាំងទាហានអ៊ុយក្រែន តែយានយោធានេះនៅមិនទាន់ចូលរួមក្នុងប្រតិបត្តិការវាយប្រហារផ្ទាល់នៅឡើយទេ។
យោងតាមអ្នកដឹងរឿងបាននិយាយថា T-14ជាច្រើនគ្រឿងបានចូលរួមក្នុងប្រតិបត្តិការពិសេសនិងពួកវាមានលក្ខណៈពិសេសត្រង់ថាវាអាចការពារពីសព្វាវុធប្រឆាំងរថក្រោះ ហើយទាហានArmataត្រូវបានហ្វឹកហាត់និងចូលរួមប្រតិបត្តិការសឹកនៅតំបន់ដុនបាស៕
រថក្រោះT-14 Armataរបស់បន្ទាយក្រុងមូស្គូ ក្នុងអំឡុងពេលហាត់សមសំរាប់ព្យុហយាត្រាយោធាដើម្បីកត់សំគាល់ខួបទី៧១នៃជោគជ័យក្នុងមហាសង្គ្រាមស្នេហាជាតិ