ប្រែសម្រួលៈបំណង(ស្ត្រេតថែមស៍)៖មនុស្សប្រាំបីនាក់ត្រូវបានសម្លាប់និង១៣នាក់រងរបួសកាលពីយប់ថ្ងៃព្រហស្បតិ៍នៅក្នុងការបាញ់ប្រហារនៅក្បែរទីប្រជុំជនស៊ែបប៊ីមួយនៅចម្ងាយប្រមាណ៦០គីឡូម៉ែត្រពីរដ្ឋធានី បែលហ្ក្រាដ(Belgrade) ។
ការបាញ់ប្រហារនេះកើតឡើងនៅក្បែរទីប្រជុំជន ម្ល៉ាដេណូវ៉ាក់(Mladenovac) ដោយជនវាយប្រហារបានប្រើកាំភ្លើងស្វ័យប្រវត្តិបាញ់ចេញពីរថយន្ត និងបានបើកគេចខ្លួន។
ប៉ូលីសនិងឡានពេទ្យត្រូវបានបញ្ជូនទៅកាន់កន្លែងកើតហេតុ និងឧទ្ធម្ភាគចក្រហោះពីលើក្រោយការបាញ់ប្រហារកាលពីយប់ថ្ងៃព្រហស្បតិ៍។
វាជាការបាញ់ប្រហារលើកទីពីរតែក្នុងរយៈពេលតិចជាងមួយសប្តាហ៍នៅស៊ែប៊ី(Serbia)។កាលពីថ្ងៃពុធ សិស្សអាយុ១៣ឆ្នាំម្នាក់បានបាញ់សម្លាប់មនុស្សប្រាំបីនាក់និងសន្តិសុខម្នាក់នៅសាលាបឋមសិក្សាមួយនៅក្រុងបែលហ្ក្រាដ។
កាលពីខែមេសា ឆ្នាំ២០២៣នេះ អ្នកភូមិម្នាក់នៅតំបន់ម្ល៉ាដេណូវ៉ាក់ក៏បានបាញ់សម្លាប់សាច់ញាតិនិងអ្នកជិតខាង១៣នាក់។
ស៊ែប៊ី មានវប្បធម៌កាន់កាំភ្លើង ជាពិសេសនៅតំបន់ជនបទ តែក៏មានច្បាប់គ្រប់គ្រងកាំភ្លើងដ៏តឹងរ៉ឹងផងដែរ។ការកាន់កាប់សព្វាវុធស្វ័យប្រវត្តិខុសច្បាប់ និងនៅប៉ុន្មានឆ្នាំមកនេះអាជ្ញាធរបានផ្តល់ការលើកលែងទោសដល់អ្នកណាដែលសុខចិត្តប្រគល់អាវុធ៕