ប្រែសម្រួលៈបំណង(ស្ពុតនិច,ដេល្លីម៉េល)៖ យន្តហោះទម្លាក់គ្រាប់បែកSu-34របស់រុស្ស៊ីមួយគ្រឿងបានវាយប្រហារចំណុចឈរជើងរបស់ក្រុមទាហានស៊ីឈ្នួលនៅតំបន់ខាគីវ(Kharkiv)ជាមួយនឹងគ្រាប់បែកបញ្ជានាំផ្លូវ នេះបើតាមការអះអាងរបស់អ្នកនាំពាក្យក្រសួងការពារជាតិរុស្ស៊ី។
នៅទិសគូព្យែនសខ៍(Kupyansk) កងកម្លាំងរុស្ស៊ីក៏បានរកឃើញនិងបំផ្លាញចោលក្រុមឈ្លបយកការណ៍និងធ្វើវិច្ឆេទកម្មចំនួនពីររបស់អ៊ុយក្រែន និងបានរារាំងការប៉ុនប៉ងដូរកម្លាំងរបស់សត្រូវចំនួនបីលើក។
អ្នកនាំពាក្យក៏បានប្រាប់សារព័ត៌មានស្ពុតនិចថា រថយន្តនៃប្រព័ន្ធប្រឆាំងយន្តហោះ Osaមួយក៏ត្រូវបានបំផ្លាញដោយប្រើកាំជ្រួចLancetនៅក្បែរភូមិ វ៉េលីឃី បឺលុក(Velykyi Burluk)ហើយកាំភ្លើងធំមួយរបស់អ៊ុយក្រែនក៏ត្រូវទាហានរុស្ស៊ីបំផ្លាញចោល។
យន្តហោះSukhoi Su-34ហោះចេញពីមូលដ្ឋានអាកាសមួយ
ក្នុងពេលជាមួយគ្នា បញ្ជាការយោធាអ៊ុយក្រែនបាននិយាយថា កងកម្លាំងរបស់ខ្លួនបានបំផ្លាញដ្រូនShahedផលិតនៅអ៊ីរ៉ង់ចំនួន៣៥គ្រឿងដែលរុស្ស៊ីបញ្ជូនមកវាយប្រហារនៅពាសពេញប្រទេសអ៊ុយក្រែន។
យោធាអ៊ុយក្រែនក៏បានរាយការណ៍ថា គ្រាប់រ៉ុក្កែតចំនួន១៦ត្រូវបានរុស្ស៊ីបាញ់ចូលតំបន់ខាគីវ(Kharkiv) ឃើសុន(Kherson) មីកូឡាអ៊ីវ(Mykolaiv)និងទីក្រុងអូដេសា(Odesa)របស់សមុទ្រខ្មៅនៅ២៤ម៉ោងកន្លងទៅ បន្ថែមលើការវាយប្រហារដោយរ៉ុក្កែត៥២ដើមលើទីតាំងអ៊ុយក្រែន។
នៅសមរភូមិបាឃ្មុត រុស្ស៊ីក៏បង្កើនការបាញ់ផ្លោងដោយសង្ឃឹមអាចចាប់យកវាទាំងស្រុងនៅយ៉ាងយូរថ្ងៃអង្គារ៕