ដោយ៖ សុវណ្ណកុម្ភៈ / ភ្នំពេញ៖ នៅថ្ងៃទី១៣ ឧសភា ម្សិលមិញនេះ ក្នុងព្រឹត្តិការណ៍ ស៊ីហ្គេម កីឡាម៉ូតូទឹក បានចាប់ផ្ដើមប្រកួតហើយ ដែលតាមការគ្រោងទុក ប្រភេទកីឡាមួយនេះ នឹងបញ្ចប់នៅថ្ងៃទី១៦ ឧសភា។
ការប្រកួត ធ្វើឡើងនៅបរិវេណទីលានសម្ដេចតេជោ ឆ្នេរកន្ទុយនាគ។ ប្រតិភូចូលរួម ប្រកួត មានកីឡាករ កីឡាការិនី ចំនួន ៧០ នាក់ មកពីប្រទេសចំនួន ៧ រួមមាន ប្រទេសកម្ពុជា មានកីឡាករ ១៨ នាក់, ប្រទេសថៃ មានកីឡាករ ២៧ នាក់, ប្រទេសសិង្ហបុរី មានកីឡាករ ១៦ នាក់, ប្រទេសម៉ាឡេស៊ី មានកីឡាករ ១៥ នាក់, ប្រទេសហ្វីលីពីន មានកីឡាករ ១៤នាក់ និងប្រទេសវៀតណាម មានកីឡាករ ១១នាក់។
ខេត្តព្រះសីហនុ ទទួលធ្វើជាម្ចាស់ផ្ទះ ចំនួន ៣ ប្រភេទកីឡា ដែលរួមមាន ប្រភេទកីឡាទូកក្តោង ប្រភេទកីឡាម៉ូតូទឹក និង ប្រភេទកីឡាបាល់ទះ លើឆ្នេរខ្សាច់៕/V
