ប្រែសម្រួល : កញ្ញាដាលីស (ដេល្លីម៉េល) ៖ ប្រធានាធិបតី វ៉ូឡូឌីមៀ ហ្សេលេនស្គី បាននិយាយកាលពីថ្ងៃអាទិត្យទី១៤ឧសភាថារដ្ឋាភិបាលក្រុងគៀវនិងអ្នកគាំទ្រលោកខាងលិចរបស់ខ្លួនអាចធ្វើឱ្យរុស្ស៊ីបរាជ័យនៅក្នុងសង្គ្រាមនៅអ៊ុយក្រែន “ងើបមុខលែងរួច” នៅឆ្នាំនេះ ហើយបានអរគុណអាល្លឺម៉ង់សម្រាប់ការគាំទ្រផ្នែកយោធារបស់ខ្លួន។
មេដឹកនាំអ៊ុយក្រែនបានប្រាប់សន្និសីទសារព័ត៌មានរួមគ្នាជាមួយអធិការបតីអាល្លឺម៉ង់លោក អូឡាហ្វ សូល នៅទីក្រុងបែរឡាំងថារដ្ឋាភិបាលក្រុងគៀវនឹងដឹងគុណជានិច្ចចំពោះអាល្លឺម៉ង់សម្រាប់ការគាំទ្ររបស់ខ្លួនក្នុងអំឡុងការឈ្លានពានពេញទំហឹងរបស់រុស្ស៊ី។
លោកហ្សេលេនស្គីបន្តថា ប្រទេសរបស់លោកកំពុងត្រៀមបើកការវាយលុកដើម្បីរំដោះតំបន់ដែលកាន់កាប់ដោយរុស្ស៊ី មិនមែនដើម្បីវាយប្រហារលើទឹកដីរុស្ស៊ីទេ។
ថ្លែងក្នុងសន្និសីទសារព័ត៌មានជាមួយអធិការបតីអាល្លឺម៉ង់នៅទីក្រុងបែរឡាំង លោកហ្សេលេនស្គីបាននិយាយថាគោលដៅរបស់អ៊ុយក្រែនគឺរំដោះទឹកដីនៅក្នុងព្រំដែនដែលទទួលស្គាល់ជាអន្តរជាតិរបស់ខ្លួន។
មានការរំពឹងទុកថា អ៊ុយក្រែនអាចនឹងព្យាយាមដណ្តើមយកតំបន់នៅក្នុងប្រទេសរុស្ស៊ីហើយប្រើប្រាស់វាជាការតថ្លៃក្នុងការចរចាសន្តិភាពដើម្បីបញ្ចប់សង្គ្រាមដែលបានចាប់ផ្តើមដោយរដ្ឋាភិបាលក្រុងមូស្គូក្នុងខែកុម្ភៈ ឆ្នាំ ២០២២៕
លោកហ្សេលេនស្គីថ្លែងរួមគ្នាជាមួយអធិការបតីអាល្លឺម៉ង់លោក អូឡាហ្វ សូល នៅទីក្រុងបែរឡាំងកាលពីថ្ងៃអាទិត្យ