ដោយៈ តារារិទ្ធ / ភ្នំពេញៈ បន្ទាប់ពីប្រកួតយ៉ាងស្វិតស្វាញ ប្រកបដោយក្តីរីករាយ និងភាតរៈអស់រយៈប្រមាណ ១៦ថ្ងៃ ការប្រកួតស៊ីហ្គេមលើកទី៣២ ឆ្នាំ២០២៣ ដែលរៀបចំឡើងជាលើកដំបូង នៅកម្ពុជា ក្នុងរយៈពេល ៦៤ឆ្នាំ បានបិទបញ្ចប់ ទាំងស្រុងហើយ ។
ពិធីបិទព្រឹត្តិការណ៍ការប្រកួតស៊ីហ្គេម ដែលរៀបចំរៀងរាល់ ពីរឆ្នាំម្តងនេះ នឹងប្រព្រឹត្ត ទៅក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា។
ពិធីបិទការប្រកួតស៊ីហ្គេមដ៏មហោឡារិក នៅកម្ពុជានេះ ក៏នឹងមានការអញ្ជើញចូលរួម ពីថ្នាក់ដឹកនាំកីឡាជាតិអន្តរជាតិ ប្រតិភូកីឡាទាំង១១ ប្រទេស ព្រមទាំងភ្ញៀវជាតិ អន្តរជាតិ មហាជន សរុបប្រមាណជា ៦ ម៉ឺននាក់។
ក្រោយការប្រកួតដ៏ស្វិតស្វាញ រយៈពេ លប្រមាណជា ១៦ថ្ងៃ ជាលទ្ធផលកីឡាករ កីឡាការិនី មកពីប្រទេសវៀតណាម ឈរលេខរៀងទី១ ជាមួយមេដាយសរុប ៣៥៥ (មាស១៣៦, ប្រាក់១០៥, សំរឹទ្ធ ១១៤), ប្រទេសថៃឈរលេខរៀងទី២ ជាមួយមេដាយសរុប ៣១២ (មាស ១០៨, ប្រាក់ ៩៦, សំរឹទ្ធ ១០៨), ប្រទេ សឥណ្ឌូណេស៊ីឈរលេខរៀងទី៣ ជាមួយមេដាយសរុប ២៧៦ (មាស៨៧, ប្រាក់ ៨០, សំរឹទ្ធ១០៩)។ ដោយឡែក កម្ពុជាជាម្ចាស់ផ្ទះ ឈរនៅលេខរៀងទី៤ ជា មួយមេដាយសរុប ២៨២ (មាស ៨១, ប្រាក់ ៧៤, សំរឹទ្ធ ១២៧), ហ្វីលីពីន ឈរលេខរៀងទី៥ ជាមួយមេដាយសរុប ២៦០, សិង្ហបុរីឈរលេខរៀងទី៦ ជាមួ យមេដាយសរុប ១៥៧,ម៉ាឡេស៊ីឈរលេខរៀងទី៧ជាមួយមេដាយសរុប ១៧៦, មីយ៉ាន់ម៉ាឈរលេខរៀងទី៨ ជាមួយមេដាយសរុប ១១៤, ឡាវឈរលេខរៀងទី៩ ជាមួយមេដាយសរុប ៨៨, ព្រុយណេ ឈរលេខរៀងទី១០ ជាមួយមេដាយសរុប ៩ និងប្រទេសទីម័រខាងកើត ឈរលេខរៀងទី១១ ជាមួយមេដាយសរុប ៨ ។
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ កម្ពុជា លើកឡើងថា កាលពីការប្រកួតស៊ីហ្គេម លើកទី២០ គឺប្រទេសកម្ពុជា ស្ថិតនៅចំណាត់ថ្នាក់លេខ ១០ ហើយមិនទទួលបានមេដាយឡើយ ។ ប៉ុន្ដែការ ប្រកួតស៊ីហ្គេម លើកទី៣២ នេះ ប្រទេសកម្ពុជា ទទួលបានមេដាយសរុប ២៨២ ឈរលំដាប់ទី៤ ក្នុងចំណោម ១១ ប្រទេស។
តាមរយៈបណ្ដាញសង្គមតេលេក្រាម នៅព្រឹកថ្ងៃទី១៧ ខែឧសភា ឆ្នាំ២០២៣ នេះ សម្ដេចតេជោ ហ៊ុន សែន បានសរសេរថា កាលពីព្រឹត្តិការណ៍ស៊ីហ្គេម លើកទី២០ នាឆ្នាំ ១៩៩៩ ប្រទេសកម្ពុជា ស្ថិតនៅចំណាត់ថ្នាក់លេខ ១០ ជាមួយនឹងសូន្យ មេដាយ ។ ប៉ុន្តែសម្រាប់ព្រឹត្តិការណ៍ស៊ីហ្គេម លើកទី៣២ នាឆ្នាំ២០២៣ នេះ ប្រទេសកម្ពុជា ទទួលបានមេដាយសរុប ២៨២ ដោយឈរលំដាប់ទី៤ ខាងមេដាយ មាស និងឈរលំដាប់ទី៣ ខាងមេដាយច្រើន។
សម្ដេចតេជោ ហ៊ុន សែន បានលើកឡើងថាៈ «នេះជាសមិទ្ធផលរបស់ប្រជាជាតិ ទាំងមូល ដែលប្រឹងងើបឈរឡើង ក្នុងការកសាងជាតិ និយាយជារួម និងក្នុងវិស័យកីឡា និយាយដោយឡែក»៕/V/R
