ប្រែសម្រួលៈបំណង(ដេល្លីម៉េល)៖ នាយករដ្ឋមន្ត្រីរុស្ស៊ីលោក មីខាអ៊ីល មីស៊ូស្ទីន( Mikhail Mishustin)បានទៅដល់ចិន សំរាប់ដំណើរទស្សនកិច្ចមួយដែលលោកនឹងជួបប្រធានាធិបតីចិន ស៊ី ជីនភីង និងចុះកិច្ចព្រមព្រៀងមួយចំនួនស្តីពីហេដ្ឋារចនាសម្ពន្ធនិងពាណិជ្ជកម្ម។
ក្រសួងការបរទេសរុស្ស៊ីបាននិយាយថា លោក មីស៊ូស្ទីន កាលពីយប់ថ្ងៃចន្ទបានទៅដល់ទីក្រុងសៀងហៃ កន្លែងដែលលោកត្រូវបានទទួលស្វាគមន៍ដោយឯកអគ្គរដ្ឋទូតរុស្ស៊ីប្រចាំចិន និងអ្នកការទូតជាន់ខ្ពស់ចិនប្រចាំក្រុងមូស្គូលោក ចាង ហានវី(Zhang Hanhui)។លោកនឹងចូលរួមវេទិកាធុរកិច្ចរុស្ស៊ី-ចិនមួយ និងទៅធ្វើទស្សនកិច្ចវិទ្យាស្ថានសិក្សាស្រាវជ្រាវប្រេងគីមីនៅក្រុងសៀងហៃ និងក៏ជួបពិភាក្សាជាមួយតំណាងមកពីមជ្ឈដ្ឋានធុរកិច្ចរុស្ស៊ី។
ចិនកាលពីឆ្នាំមុនបានក្លាយជាអ្នកទិញថាមពលកំពូលពីរុស្ស៊ី ខណៈដែលការនាំចេញឧស្ម័នធម្មជាតិរបស់ខ្លួនបានធ្លាក់ចុះខ្លាំងដោយសារតែទណ្ឌកម្មលោកខាងលិចចំពោះសង្គ្រាមនៅអ៊ុយក្រែន។
លោក មីស៊ូស្ទីន បន្ទាប់មកនឹងធ្វើដំណើរទៅកាន់ទីក្រុងប៉េកាំង និងជួបពិភាក្សាជាមួយប្រធានាធិបតីស៊ី ជីនពីង និងនាយករដ្ឋមន្ត្រី លី ឈៀង នេះបើតាមការផ្សាយរបស់ទីភ្នាក់ងារសារព័ត៌មានតាសរបស់រុស្ស៊ី។
សូមបញ្ជាក់ថា នៅប៉ុន្មានចុងក្រោយនេះ ចិននិងរុស្ស៊ីបានបង្កើនកិច្ចសហប្រតិបត្តិការសេដ្ឋកិច្ចនិងការទូត ហើយភាពជាដៃគូយុទ្ធសាស្ត្ររបស់គេកាន់តែជិតស្និទ្ធឡើងចាប់តាំងពីរុស្ស៊ីបញ្ជូនទ័ពចូលអ៊ុយក្រែន៕
នាយករដ្ឋមន្ត្រីរុស្ស៊ីលោក មីខាអ៊ីល មីស៊ូស្ទីន បានទៅដល់ចិនសំរាប់ចូលរួមវេទិកាធុរកិច្ចរុស្ស៊ី-ចិន និងជួបមេដឹកនាំចិន