សមាគមបាល់ទាត់ថៃ(FAT)បានផ្តល់ភារកិច្ចដល់ឧត្តមសេនីយ៍ប៉ូលីសម្នាក់ដើម្បីដឹកនាំការស៊ើបអង្កេតចំពោះហេតុការណ៍ប៉ះទង្គិចគ្នាក្នុងអំឡុងការប្រកួតបាល់ទាត់ស៊ីហ្គេមវគ្គផ្តាច់ព្រាត់នៅក្រុងភ្នំពេញ កាលពីថ្ងៃ១៦ឧសភា។ជាលទ្ធផល គ្រូបង្វឹកអ្នកចាំទីលោកPrasadchok Chokmoh គ្រូជំនួយPhatrawut Wongsripuek បុគ្គលិកបង្វឹកMayid Madadaត្រូវបានបញ្ឈរជើងមួយឆ្នាំមិន អោយបង្វឹកក្រុមបាល់ទាត់ថៃណាឡើយ ដោយសារពួកគេរំលោភបទបញ្ញត្តិFAT និងក្រមសីលធម៌ព្រមទាំងស្តង់ដាកីឡា។ កីឡាករពីររូបដែលបានចូលរួមពាក់ព័ន្ធក្នុងអំពើហិង្សានេះផងដែរ កឺអ្នកចាំទី Sohonwit RakyathនិងកីឡាករបំរុងTeerapak Pruengnaនឹងមិនអនុញ្ញាតអោយលេងក្នុងក្រុមថៃរយៈពេល៦ខែ។FATបាននិយាយថា កីឡាករទទួលការពិន័យស្រាលជាងដោយសារពួកគេ នៅក្មេងនិងបានសុំទោសក្រោយការប្រកួត។