ប្រែសម្រួល : កញ្ញាដាលីស (ស្ត្រេតថែមស៍) ៖ អ្នកឡាយស្ទ្រីម (Live Streamer) នៅប្រទេសចិនបានចាញ់ការផឹកស្រាជាមួយអ្នកដទៃ ហើយបន្ទាប់មកបានបាត់បង់ជីវិត បន្ទាប់ពីផឹកគ្រឿងស្រវឹងបន្ថែមទៀតសម្រាប់ជាការពិន័យ។
មិត្តភក្តិម្នាក់បានប្រាប់ប្រព័ន្ធផ្សព្វផ្សាយចិនថា មាននាមត្រកូលវ៉ាង (Wang) ប៉ុន្តែត្រូវអ្នកលេងអ៊ីនធឺណិតភាគច្រើនស្គាត់ថា បងប្រុសបីពាន់ (Brother Three Thousand)អ្នកឡាយស្ទ្រីមមានមូលដ្ឋាននៅទីក្រុងជាំងស៊ូ (Jiangsu) រូបនេះត្រូវបានប្រទះឃើញស្លាប់នៅក្នុងផ្ទះល្វែងរបស់ខ្លួនកាលពីថ្ងៃទី ១៦ ខែឧសភា។
រូបគេត្រូវបានឃើញចុងក្រោយកាលពីយប់មុននោះនៅក្នុងវីដេអូមួយរបស់គេនៅលើអ៊ីនធឺណិត ដោយផឹកស្រាខ្លាំងរបស់ចិន Baijiu អស់បួនដប ដែលមានជាតិអាល់កុលចាប់ពី ៣៥ ភាគរយដល់ ៦០ ភាគរយ។
នៅក្នុងការផ្សាយចុងក្រោយរបស់គេនៅលើវេទិកាចែករំលែកវីដេអូ Douyin បុរសវ័យ ៣៤ ឆ្នាំរូបនេះឃើញកំពុងចាក់ស្រា Baijiu មួយចំនួននៅលើតុ ហើយដុតភ្លើងដែលទំនងចង់បង្ហាញថាវាជាស្រាសុទ្ធ មុនពេលផឹកស្រា។ រូបគេបានធ្វើដូចគ្នាជាមួយនឹងស្រាបីដបទៀត ដោយផឹកដាច់ភ្លាមៗតែម្តង ដែលតាមដឹងគឺជាស្រាពិន័យ បន្ទាប់ពីចាញ់ការប្រកួតផឹកស្រាជាមួយអ្នកឡាយស្ទ្រីមផ្សេងទៀត ដោយការប្រកួតគឺផ្អែកលើល្បឿននិងបរិមាណនៃការផឹក។
អ្នកទស្សនារបស់វ៉ាងបាននិយាយថា រូបគេបានផឹកស្រា Baijiu អស់៧ដបនៅយប់នោះទើបបណ្តាលឱ្យស្លាប់៕
វ៉ាងផឹកស្រាខ្លាំងរបស់ចិន Baijiu ដាច់អស់ ៧ ដបបណ្តាលឱ្យស្លាប់