ប្រែសម្រួល : កញ្ញាដាលីស (ដេល្លីម៉េល) ៖ នាង ចចជីណា រ៉ូឌ្រីហ្គេស (Georgina Rodriguez) បានធ្វើឱ្យគ្រប់គ្នាលោតបេះដូងដុកដាក់កាលពីថ្ងៃព្រហស្បតិ៍ ខណៈនាងបានបង្អួតរាងស្វ៊ែលមិនគួរឱ្យជឿរបស់នាងនៅក្នុងការបញ្ចាំងភាពយន្តជាភាសាបារាំង Last Summer (L’Été dernier) នៅមហោស្រពភាពយន្តក្រុងកាន ឆ្នាំ ២០២៣។
តារាអនឡាញនិងជាតារាបង្ហាញម៉ូតជនជាតិអេស្ប៉ាញវ័យ ២៩ ឆ្នាំរូបនេះមើលទៅពិតជាស្អាតខ្លាំងក្នុងឈុតរ៉ូបពណ៌មាស ដែលតុបតែងជាមួយនឹងត្បូងផ្លេកៗរាប់រយគ្រាប់។
មិត្តស្រីរបស់តារាបាល់ទាត់ គ្រីស្ទាណូ រ៉ូណាល់ដូ អាយុ ៣៨ ឆ្នាំរូបនេះ បានចងសក់កន្ទុយសេះដ៏ស្រស់ស្អាត នៅពេលនាងមកដល់សម្រាប់ព្រឹត្តិការណ៍ភាពយន្តនេះ។
កន្ទុយរ៉ូបអូសដីដ៏វែងបានទាក់ទាញចំណាប់អារម្មណ៍មនុស្សជាច្រើន ខណៈនាងបង្កព្យុះភ្លៀងនៅលើកម្រាលព្រំក្រហម។
ឈុតរ៉ូបឆ្នូតមាសដិតនេះជាថ្មីម្តងទៀតបានជួយបង្កើនសម្រស់រូបរាងដ៏គួរឱ្យភ្ញាក់ផ្អើលរបស់នាង។
អតីតជំនួយការផ្នែកលក់រូបនេះបានបន្ថែមកងដៃប្រាក់និងក្រវិលដើម្បីបំពេញនូវរូបរាងដ៏ស្អាតរបស់នាង ខណៈការផាត់មុខដ៏ភ្លឺរលើបរលោង រួមទាំងការផាត់រង្វង់ភ្នែកខ្មៅ បានធ្វើឱ្យនាងកាន់តែស្រស់ស្អាតមួយកម្រិតទៀត៕
នាងរ៉ូឌ្រីហ្គេសចូលរួមការដាក់បញ្ចាំងភាពយន្ត Last Summer (L’Été dernier) នៅក្រុងកានកាលពីថ្ងៃព្រហស្បតិ៍