ប្រែសម្រួល : កញ្ញាដាលីស (ស្ពុតនិក) ៖ ក្រសួងការពារជាតិអ៊ីស្រាអែលបាននិយាយថា អ៊ីស្រាអែលកាលពីថ្ងៃចន្ទបានសាកល្បងដោយជោគជ័យនូវប្រព័ន្ធការពារដែនអាកាសតាមសមុទ្រ ដែលខ្លួនសង្ឃឹមថានឹងបញ្ចប់សព្វគ្រប់ការដំឡើងខែលការពារដែនអាកាសរបស់ខ្លួនពេញលេញដើម្បីផ្តល់ការការពារគ្រប់ជ្រុងជ្រោយសម្រាប់ទ្រព្យសម្បត្តិយុទ្ធសាស្ត្រ។
ក្រសួងបាននិយាយនៅលើបណ្តាញសង្គមថា “អង្គការការពារមីស៊ីលអ៊ីស្រាអែល (IMDO)ក្រោម DDR&D [នាយកស្រាវជ្រាវនិងអភិវឌ្ឍន៍ការពារជាតិ] របស់ក្រសួងការពារជាតិអ៊ីស្រាអែលរួមជាមួយនឹងកងទ័ពជើងទឹកអ៊ីស្រាអែលនិងប្រព័ន្ធការពារកម្រិតខ្ពស់ Rafael បានបញ្ចប់ដោយជោគជ័យនូវការសាកល្បងពហុប្រព័ន្ធ និងពហុស្រទាប់ ដោយប្រើកំណែប្រព័ន្ធ Iron Dome របស់កងទ័ពជើងទឹក ដែលគេស្គាល់ថា C-Dome”។
ក្រសួងបានបន្ថែមថា អាវុធ C-Dome ដែលដំឡើងនៅលើនាវា Saar 6-class Magen បានស្ទាក់ចាប់ដោយជោគជ័យនូវគោលដៅកម្រិតខ្ពស់ដែលបង្កការគំរាមកំហែងដល់ហេដ្ឋារចនាសម្ព័ន្ធនិងទ្រព្យសម្បត្តិយុទ្ធសាស្ត្ររបស់អ៊ីស្រាអែលនៅក្នុងតំបន់សេដ្ឋកិច្ចផ្តាច់មុខ។
ប្រព័ន្ធ C-Dome ត្រូវបានរចនាឡើងដើម្បីការពារនាវានិងទ្រព្យសម្បត្តិដែលមានមូលដ្ឋានលើសមុទ្រប្រឆាំងនឹងការគំរាមកំហែងយ៉ាងទូលំទូលាយ។ កាសែត Jerusalem Post បានរាយការណ៍ថា ការសាកល្បងចុងក្រោយនេះគឺពាក់ព័ន្ធនឹងគោលដៅគ្រប់រយៈចម្ងាយ រាប់ចាប់ពីមីស៊ីលបញ្ជាទិសរហូតដល់ដ្រូន៕
ប្រព័ន្ធ C-Dome ត្រូវបានរចនាឡើងដើម្បីការពារនាវានិងទ្រព្យសម្បត្តិដែលមានមូលដ្ឋានលើសមុទ្រប្រឆាំងនឹងការគំរាមកំហែងយ៉ាងទូលំទូលាយ