យន្តហោះប្រដេញចិនមួយបានធ្វើការហោះស្កាត់មុខយន្តហោះយោធាអាម៉េរិកមួយ«ដ៏គឃ្លើននិងគ្រោះថ្នាក់»នៅលើសមុទ្រចិនខាងត្បូងនៅក្នុងដែនអាកាសអន្តរជាតិ នេះបើតាមការអះអាងរបស់ក្រសួងការពារជាតិអាម៉េរិកកាលពីថ្ងៃអង្គារ។តែអ្នកនាំពាក្យឯកអគ្គរដ្ឋទូតចិនប្រចាំអាម៉េរិកលោកលីវ ប៉េងយូ(Liu Pengyu)បាននិយាយថាជាយូរមកហើយអាម៉េរិកតែងបញ្ជូនយន្តហោះនិងនាវាទៅយកការណ៍ពីចិន ដែលបង្កគ្រោះថ្នាក់ធ្ងន់ធ្ងរចំពោះសន្តិសុខជាតិចិន។«ចិនទទូចសុំអោយអាម៉េរិកឈប់ការបង្ករឿងដូច្នេះ និងឈប់ទម្លាក់កំហុសលើចិន»។