ថ្លៃប្រេងឆៅបានកើនឡើងបន្តិចកាលពីថ្ងៃព្រហស្បតិ៍ទី១មិថុនា នៅពេលមានសញ្ញាអំពីការផ្អាកការដំឡើងអត្រាកាប្រាក់នៅអាម៉េរិកនិងពង្រាងច្បាប់ស្តីពីពិដានបំណុល របស់រដ្ឋាភិបាលនឹងឆ្លងផុតសភា ដែលនាំអោយមានសុទិដ្ឋិនិយមជាថ្មីអំពីតំរូវការឥន្ធនៈកាន់តែច្រើនឡើងនៅក្នុងប្រទេសប្រើប្រាស់ប្រេងធំបំផុតក្នុងលោកមួយនេះ។ ប្រេងម៉ាកBrentសំរាប់ប្រគល់នៅខែសីហាបានកើនឡើង៥៥សេន ដល់តំលៃ៧៣,១៥ដុល្លារក្នុងមួយបារ៉ែល នៅពេលប្រេងម៉ាកWTIនៅផ្សារអាម៉េរិកឡើង៤៦សេន ដល់៦៨,៥៥ដុល្លារក្នុងមួយបារ៉ែល។