ប្រែសម្រួលៈបំណង(ដេល្លីម៉េល)៖ កងកម្លាំងអ៊ុយក្រែននៅទីក្រុងគៀវបាននិយាយនៅថ្ងៃសុក្រទី២មិថុនានេះថា ខ្លួនបានបាញ់ទម្លាក់ដ្រូននិងកាំជ្រួចរុស្ស៊ីយ៉ាងតិចចំនួន៣៦នៅលើនិងម្តុំរដ្ឋធានីគៀវកាលពីយប់មិញហើយមនុស្សពីរនាក់រងរបួសដោយបំណែកធ្លាក់ពីលើមេឃ។
សូមបញ្ជាក់ថា រុស្ស៊ីបានធ្វើការវាយប្រហារដោយកាំជ្រួចនិងដ្រូនលើរដ្ឋធានីគៀវប្រមាណ២០លើកចាប់តាំងពីដើមខែឧសភា ជាកំណើននៃការវាយប្រហារមួយដែលរដ្ឋាភិបាលនិយាយថា ទំនងជាយុទ្ធសាស្ត្ររបស់រុស្ស៊ីដើម្បីបំផ្លាញការត្រៀមខ្លួនរបស់អ៊ុយក្រែនក្នុងការបើកការវាយបកដ៏ធំមួយលើកងកម្លាំងរុស្ស៊ី។
សេចក្តីថ្លែងការណ៍របស់កងទ័ពអាកាសមួយបាននិយាយថា កងការពារដែនអាកាសរបស់ខ្លួនបានបាញ់ទម្លាក់កាំជ្រួចរុស្ស៊ី១៥ដើមនិងដ្រូនចំនួន២១ក្នុងការវាយប្រហារមួយប្រាវកាលពីយប់ថ្ងៃព្រហស្បតិ៍និងក្រោយមកមានការវាយប្រហារដោយកាំជ្រួចបណ្តែតមួយប្រាវទៀត។
អភិបាលទីក្រុងគៀវ លោក វីតាលី គ្លីតស្កូ បាននិយាយថា មានការវាយប្រហារពីរប្រាវ តែមិនមានការស្រែករកជំនួយសេវាជួយសង្គ្រោះទេ។
ដោយសារសព្វាវុធជួយពីលោកខាងលិចអ៊ុយក្រែនបានបំផ្លាញចោលកាំជ្រួចនិងដ្រូនដែលរុស្ស៊ីបញ្ជូនមកភាគច្រើនតែកាលពីថ្ងៃព្រហស្បតិ៍ក្មេងស្រីអាយុប្រាំបួនឆ្នាំម្នាក់ស្ថិតចំណោមអ្នកស្លាប់បីនាក់ពីការវាយប្រហារដោយកាំជ្រួចរុស្ស៊ីលើទីក្រុងគៀវ។
នៅថ្ងៃសុក្រនេះដែរ មន្ត្រីរុស្ស៊ីបានរាយការណ៍អំពីការបាញ់ផ្លោងកាត់ព្រំដែនទៅពីអ៊ុយក្រែននិងដ្រូនចម្ងាយឆ្ងាយពីរបានវាយប្រហារទីតាំងប្រេងនិងថាមពលនៅរុស្ស៊ីខាងជើង តែមិនបង្កអគ្គិភ័យឬមានមនុស្សរងរបួសឬស្លាប់ពីការវាយប្រហារនេះទេ។
ក្នុងពេលជាមួយគ្នា អភិបាលតំបន់បែលហ្គោរ៉ូតរុស្ស៊ី បានសរសេរបង្ហោះថា ភូមិជាច្រើននៅតំបន់របស់លោកបានរងការបាញ់ផ្លោងមកពីអ៊ុយក្រែនដោយ«អំបែងគ្រាប់ត្រូវរថយន្តមួយបណ្តាលអោយស្ត្រីម្នាក់បានស្លាប់ហើយម្នាក់ទៀតរងរបួស។ស្ត្រីពីរនាក់ទៀតក្នុងរថយន្តមួយទៀតរងរបួស»៕
គ្រាប់ផ្លោងមកពីខាងអ៊ុយក្រែនធ្លាក់នៅតំបន់បែលហ្គោរ៉ូតរបស់រុស្ស៊ីបណ្តាលអោយស្លាប់និងរបួសមនុស្ស