ប្រែសម្រួល : កញ្ញាដាលីស (បាល់ទាត់) ៖ ការប្រកួត FA Cup វគ្គផ្តាច់ព្រ័ត្ររវាង Man U និង Man City នឹងធ្វើឡើងនៅថ្ងៃសៅរ៍នេះ ហើយក៏ជាថ្ងៃដែលមេឃខៀវរំពឹងលើកពានទីពីរផងដែរ មុននឹងរំពឹងលើកពាន UCL មួយទៀតនៅថ្ងៃទី១០ខែមិថុនា ក្រោយទើបតែគ្រងពាន EPL។ ចំណែក PSG ដែលទើបលើកពាន Ligue 1ក៏នៅតែរំពឹងឈ្នះធំផងដែរនៅថ្ងៃបិទរដូវកាលដើម្បីលាគ្នាជាមួយ Messi។
ការព្យាករណ៍ ៖
– Manchester City vs Manchester United
* City ឈ្នះ៣ក្នុងចំណោមការជួបគ្នា៤លើកចុងក្រោយជាមួយ Man U។
* Man City មិនស្គាល់ចាញ់សោះក្នុងការប្រកួតចំនួន ២៥ លើករហូតដល់ក្រុមបម្រុងចាញ់ Brentford ក្នុងការប្រកួតជុំចុងក្រោយនៃ Premier League។
* ក្រុមទាំងពីរស៊ុតចូលគ្នាក្នុងការជួបគ្នា៣លើកចុងក្រោយ។
* City ស៊ុតបញ្ចូលទីក្នុង ២៥ ប្រកួតនៃ ២៦ ប្រកួតចុងក្រោយរបស់ពួកគេ ហើយបានរបូត ៤ គ្រាប់ក្នុង ៧ ប្រកួតចុងក្រោយ។
ការប្រកួតវគ្គផ្តាច់ព្រ័ត្រ FA Cup ធ្វើឡើងនៅថ្ងៃសៅរ៍នេះ ខណៈក្រុមម្ចាស់ជើងឯក Premier League គឺ Manchester City ត្រូវជួបក្រុមម្ចាស់ជើងឯក EFL Cup និងជាគូប្រជែងរបស់មេឃខៀវ គឺ Manchester United នៅកីឡដ្ឋាន Wembley ។
ក្រុមទាំងពីរនេះកំពុងព្យាយាមលើកពានក្នុងស្រុកជាលើកទីពីរដូចគ្នា ហើយ Man City អាចឈ្នះពាន៣មិនគួរឱ្យជឿក្នុងរដូវកាលនេះ ខណៈពួកគេត្រូវជួប Inter Milan ក្នុងវគ្គផ្តាច់ព្រ័ត្រ Champions League នៅថ្ងៃទី ១០ ខែមិថុនា។
ការពិតដែលថា Man City នឹងចោលភ្នែកម្ខាងសម្លឹងមើលទៅការប្រកួតនៅទ្វីបអឺរ៉ុបមិនមែនជាកង្វល់ធំនោះទេ ព្រោះគ្រូបង្វឹក Pep Guardiola អាចដាក់ឱ្យកីឡាករល្អៗសម្រាកក្នុងលីក បន្ទាប់ពីឈ្នះពាននៅប៉ុន្មានជុំមុនចប់រដូវកាល ហើយគាត់គួរតែអាចដាក់កីឡាករខ្លាំងបំផុតរបស់គាត់ទៅក្នុងជម្រើស១១នាក់នៅថ្ងៃនេះ។
United ត្រូវប្រឹងប្រែងខ្លាំងដើម្បីបញ្ចប់ចំណាត់ថ្នាក់កំពូលទាំងបួនរបស់ពួកគេ ខណៈ Liverpool បានដាក់សម្ពាធនៅចុងរដូវកាល ប៉ុន្តែពួកគេអាចសម្រាកកីឡាករសំខាន់ៗទល់នឹងក្រុម Fulham ក្នុងការប្រកួតជុំចុងក្រោយ បន្ទាប់ពីធានាបានកៅអី Champions League នៅជុំទី៣៧។
ក្រុមនៅទឹកដី Old Trafford នេះជួបបញ្ហារបួសច្រើននៅមុនការប្រកួតវគ្គផ្តាច់ព្រ័ត្រ ខណៈ Anthony Martial ត្រូវអវត្តមានដោយសារបញ្ហាសរសៃពួរ។ ចំណែក ខ្សែប្រយុទ្ធ Antony ក៏ស្ថិតក្នុងមន្ទិលដែរ ប៉ុន្តែអាចនឹងមានឈ្មោះក្នុងកៅអីបម្រុង។
កីឡាក Jack Grealish, Kevin De Bruyne, Manuel Akanji និង Ruben Dias របស់ City សុទ្ធតែដាក់ឱ្យសម្រាកយកកម្លាំងទល់នឹង Brentford ប៉ុន្តែរំពឹងចូលលេងវិញនៅថ្ងៃនេះ។
ការប្រកួតវគ្គផ្តាច់ព្រ័ត FA Cup ជាធម្មតាមិនសូវជាល្អមើលប៉ុន្មានទេ ហើយការប្រកួត ៤ លើកក្នុងចំណោម ៦ លើកចុងក្រោយមានគ្រាប់បាល់តែ ១ គ្រាប់ប៉ុណ្ណោះ ខណៈមួយប្រកួតបានឈានដល់ការស៊ុតប៉េណាល់ទីកាត់សេចក្តី។ ភាពខុសប្រក្រតីមួយក្នុងចំណោមនោះគឺការទទួលជ័យជម្នះ ៦-០ លើក្រុម Watford សម្រាប់ក្រុម Manchester City ហើយពួកគេអាចឈ្នះធំបែបនេះម្តងទៀតនៅថ្ងៃសៅរ៍នេះ។
លទ្ធផលទស្សនទាយ Man City ឈ្នះ ៤-១។
– PSG vs Clermont
* PSG ស៊ុតបញ្ចូលទីបាន ១៥ គ្រាប់ និងរបូត ១ គ្រាប់ប៉ុណ្ណោះក្នុងការជួបគ្នា ៣ លើកចុងក្រោយជាមួយ Clermont។
* PSG បានយកឈ្នះ Ajaccio ៥-០ ក្នុងការប្រកួតក្នុងផ្ទះចុងក្រោយរបស់ពួកគេ។
* នេះជាការប្រកួតចុងក្រោយរបស់ Lionel Messi សម្រាប់ PSG ។
នេះមិនមែនជារដូវកាលប្លែកសម្រាប់ PSG ទេ ប៉ុន្តែពួកគេនៅតែជាម្ចាស់ជើងឯក Ligue 1 ដដែល ហើយចង់បញ្ចប់រដូវកាលជាមួយនឹងជ័យជម្នះធំលើ Clermont ។
PSG បានយកឈ្នះលើក្រុម Ajaccio ៥-០ ក្នុងការប្រកួតក្នុងផ្ទះចុងក្រោយរបស់ពួកគេ ហើយអាចឈ្នះច្រើនគ្រាប់លើ Clermont ដែលលេងអន់ខ្លាំងក្នុងទឹកដីរបស់ PSG នៅប៉ុន្មានរដូវកាលចុងក្រោយនេះ។
PSG ទំនងជានឹងរុះរើក្រុមឡើងវិញនៅរដូវក្តៅ ហើយគ្រូបង្វឹកលោក Christophe Galtier បានបញ្ជាក់រួចហើយថា នេះជាការបង្ហាញខ្លួនចុងក្រោយរបស់ Lionel Messi សម្រាប់ក្លិបយក្សបារាំងនេះ។
លោក Galtier ខ្លួនឯងក៏ត្រូវគេរំពឹងយ៉ាងទូលំទូលាយដែរថានឹងត្រូវជំនួសតំណែង ខណៈដែល PSG បន្តស្វែងរកពានអឺរ៉ុប ប៉ុន្តែគាត់យ៉ាងហោចណាស់អាចស្វែងជ័យជម្នះធំសម្រាប់គ្រាប់ត -២ គ្រាប់នៅថ្ងៃសៅរ៍នេះ។
PSG បានឈ្នះការប្រកួតជើងទីមួយ ៥-០ ហើយនៅក្នុងការជួបគ្នា៣លើករបស់ពួកគេនៅក្នុងលីកជាមួយ Clermont ក្នុងពីររដូវកាលចុងក្រោយនេះ ដោយពួកគេបានយកឈ្នះ Clermont សរុប ១៥-១។
Clermont ក៏បានរីករាយជាមួយនឹងរដូវកាលដ៏ល្អមួយនេះផងដែរ ប៉ុន្តែឥឡូវគ្មានអ្វីត្រូវលេងទេ ហើយទំនងជាមិនប្រឹងប្រែងនៅចុងសប្តាហ៍នេះនោះឡើយ។
លទ្ធផលទស្សនទាយ PSG ឈ្នះ ៥-១៕
Man City រំពឹងឈ្នះងាយៗលើ Man U ដែលមានកីឡាកររបួសច្រើននាក់
