ប្រែសម្រួលៈ បំណង(ស្ត្រេតថែមស៍)៖ ចិននិងរុស្ស៊ីកាលពីថ្ងៃសុក្រមិនអើពើនឹងការអំពាវនាវរបស់អាម៉េរិកមួយអោយក្រុមប្រឹក្សាសន្តិសុខអង្គការសហប្រជាជាតិពិភាក្សានិងថ្កោលទោសកូរ៉េខាងជើងចំពោះការប៉ុនប៉ងបាញ់បង្ហោះផ្កាយរណបចារកម្មយោធាដែលរំលោភសេចក្តីសំរេចចិត្តរបស់ក្រុមប្រឹក្សាសន្តិសុខ។ប្រទេសទាំងពីរបែរជាបន្ទោសអាម៉េរិកថាជាអ្នកបង្កភាពតានតឹងនៅឧបទ្វីបកូរ៉េ។
លោករ៉ូប៊ឺត វូដ(Robert Wood) អ្នកការទូតអាម៉េរិកមកពីស្ថានបេសកកម្មអង្គការសហប្រជាជាតិ បានធ្វើការស្នើសុំបែបនេះនៅកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិមួយដែលស្នើឡើងដោយអាម៉េរិក និងសម្ពន្ធមិត្ត។លោកបានសុំអោយមានការពិភាក្សាអំពីការបាញ់បង្ហោះមិនបានសំរេចកាលពីថ្ងៃពុធរបស់កូរ៉េខាងជើង ដោយសារវារំលោភសេចក្តីសំរេចចិត្តរបស់ក្រុមប្រឹក្សាដែលហាមកូរ៉េខាងជើងមិនអោយប្រើបច្ចេកវិទ្យាកាំជ្រួចផ្លោង។
តែតំណាងអចិន្ត្រៃយ៍រងរបស់ចិនប្រចាំអង្គការសហប្រជាជាតិលោក ហ្គេងសួង(Geng Shuang)បានប្រាប់កិច្ចប្រជុំថា កូរ៉េខាងជើង«មានការព្រួយបារម្ភស្របច្បាប់»និងក្រុមប្រឹក្សាសន្តិសុខគួរជំរុញការកាត់បន្ថយភាពតានតឹងនិងកុំចង្អុលដាក់ភាគីណាមួយ។
លោកហ្គេង និងតំណាងរុស្ស៊ី ក៏បានរិះគន់អាម៉េរិកចំពោះការបង្កើនភាពតានតឹងដោយសារតែពង្រីកនិងបង្កើនការធ្វើសមយុទ្ធយោធារួមជាមួយកូរ៉េខាងត្បូង។
លោកហ្គេង បានបន្តថា ចាំបាច់ត្រូវមានការចរចាពិតប្រាកដដោយនាំយកការព្រួយបារម្ភរបស់កូរ៉េខាងជើងមកពិចារណាផង។លោកថា«អាម៉េរិកតែងនិយាយថា ទ្វារការទូតតែងបើកចំហ តែក្នុងពេលជាមួយគ្នា ពួកគេធ្វើសកម្មភាពយោធាជាប្រចាំនៅឧបទ្វីបនេះ និងនៅក្នុងតំបន់ជុំវិញ»៕
ប្អូនស្រីរបស់មេដឹកនាំកូរ៉េខាងជើងលោកស្រី គីម យ៉ូចុង បានហៅការរិះគន់អាម៉េរិកចំពោះការបង្ហោះផ្កាយរណបរបស់ប្រទេសលោកស្រីថាជាពុតត្បុត ដោយសារអាម៉េរិកនិងប្រទេសដទៃទៀតបានបង្ហោះផ្កាយរណបដូច្នេះរួចអស់ហើយ។លោកស្រីបាននិយាយថា កូរ៉េខាងជើងនឹងបង្ហោះផ្កាយរណបមួយទៀតក្នុងពេលឆាប់ៗ