ដោយ៖ សុវណ្ណកុម្ភៈ / ភ្នំពេញ៖ ជាដំណឹងរីករាយមួយទៀតហើយ ដែលកីឡាការិនី យូដូកម្ពុជា ដណ្ដើមបានមេដាយប្រាក់ ១គ្រឿង។
កីឡាការិនីកម្ពុជា ស៊ឿង ស្រីពេជ្រ បានឈ្នះមេដាយប្រាក់ នៃព្រឹត្តិការណ៍កីឡាអាស៊ាន ប៉ារ៉ាហ្គេម លើកទី១២ លើប្រភេទកីឡាយូដូជនពិការ ក្នុងប្រភេទទម្ងន់ដក ៤៨ គីឡូក្រាម ការប្រកួតធ្វើឡើង នៅអាគារសហភាពសហព័ន្ធយុវជនកម្ពុជា នាថ្ងៃទី៤ ខែមិថុនា ឆ្នាំ២០២៣។
ប្រភេទកីឡាយូដូជនពិការនេះ មានអត្តពលិកចំនួន៦ ប្រទេសចូលរួមប្រកួត ក្នុងនោះមានម្ចាស់ផ្ទះកម្ពុជា,ហ្វីលីពីន, ថៃ, វៀតណាម, ឥណ្ឌូណេស៊ី និងម៉ាឡេស៊ី ដោយមានពេលវេលាប្រកួត ចាប់ពីថ្ងៃទី ០៤ដល់ ថ្ងៃទី០៦ ខែមិថុនា ឆ្នាំ២០២៣ ។
នេះជាមេដាយទី២របស់កម្ពុជា ដែលមេដាយដំបូង ជាមេដាយសំរិទ្ធ ប្រជែងបានដោយ កីឡាករ ជៃ វីរៈ ក្នុងប្រភេទកីឡាយូដូ ដូចគ្នា៕ V / N