ប្រែសម្រួលៈបំណង(ស៊ីនហួរ)៖ អាម៉េរិកបានបញ្ជូនចេញយន្តហោះF-16ទៅដេញនិងស្ទាក់យន្តហោះធុនស្រាលមួយដែលបានហោះរំលោភចូលដែនអាកាសតំបន់រដ្ឋធានីវ៉ាស៊ីនតោន ឌី ស៊ី ដោយយន្តហោះធុនតូចនេះក្រោយបានបានហោះគេចទៅបុកភ្នំនៅរដ្ឋវៀជីនៀ។
យន្តហោះប្រដេញនេះបានបង្កសម្លេងលាន់ឮពេញរដ្ឋធានីអាម៉េរិក និងបង្កការភ្ញាក់ផ្អើលស្រឡាំងកាំងក្នុងចំណោមប្រជាជននៅក្រុងវ៉ាស៊ីនតោន ។
មិនមានអ្នកនៅមានជីវិតទេក្នុងការធ្លាក់យន្តហោះធុនស្រាលនៅវៀជីនៀដែលបានដឹកមនុស្សបួននាក់ នេះបើតាមប៉ូលិស។
មន្ត្រីក្រសួងការពារជាតិបាននិយាយថាយន្តហោះប្រដេញពីរបានហោះចេញពីមូលដ្ឋានJoint Base Andrews និងពួកវាបានតាមពីក្រោយកូនយន្តហោះស៊ីវិលដែលក្រោមមកបានធ្លាក់នៅតំបន់ភ្នំក្នុងរដ្ឋវៀជីនៀ។លោកប្រធានាធិបតី បៃដិន ត្រូវបានរាយការណ៍ជូនអំពីឧបទ្ទវហេតុនេះ តែមិនបានបញ្ជាក់ថាតើយោធាអាម៉េរិកបានចាត់វិធានការបង្ការជាក់លាក់អ្វីផ្សេងទៀតទេ។
សូមបញ្ជាក់ថា លោកបៃដិន បានស្ថិតនៅក្នុងតំបន់នេះកាលពីថ្ងៃអាទិត្យ ដោយចំណាយពេលនៅសេតវិមាននិងលេងកូនគោលមុនចេញទៅទទួលទានអាហារពេលល្ងាច។
បញ្ជាការការពារដែលអាកាសអាម៉េរិកខាងជើងបាននិយាយថា អាកាសយាននិកនៃយន្តហោះប្រដេញទាំងពីបាញ់បាញ់ផ្កាភ្លើងជាសញ្ញានិងបានព្យាយាមទាក់ទងអ្នកបើកយន្តហោះធុនស្រាលជាប់រហូតដល់ពេលយន្តហោះធ្លាក់ និងមិនមានការបាញ់ទម្លាក់ទេ៕
យន្តហោះF-16អាម៉េរិកពីរគ្រឿងដេញនិងស្ទាក់យន្តហោះធុនស្រាលកុំអោយវាចូលតំបន់ហាមឃាត់នៅលើរដ្ឋធានីវ៉ាស៊ីនតោនកាលពីថ្ងៃអាទិត្យ