វិធីសាស្រ្តបញ្ជានាវាចម្បាំងចិនមួយនៅក្នុងច្រកសមុទ្រតៃវ៉ាន់ក្នុងអំឡុងពេលពើបប្រទះនឹងនាវាពិឃាតអាម៉េរិកមួយកាលពីចុងសប្តាហ៍គឺសមហេតុផលទាំងស្រុង ស្របច្បាប់ ប្រកបដោយវិជ្ជាជីវៈនិង«មានសុវត្ថិភាព» នេះបើតាមការបញ្ជាក់អះអាងរបស់អ្នកនាំពាក្យក្រសួងការបរទេសចិននៅថ្ងៃចន្ទទី៥មិថុនានេះ។ កងទ័ពជើងទឹកអាម៉េរិកកាលពីថ្ងៃអាទិត្យបានបញ្ចេញវីដេអូមួយបង្ហាញពីអ្វីដែលខ្លួនហៅថា «អន្តរកម្មមិនមានសុវត្ថិភាព»មួយនៅច្រកសមុទ្រតៃវ៉ាន់ ពេលនាវាចម្បាំងចិនមួយបើកកាត់មុខ នាវាពិឃាតអាម៉េរិកមួយនៅច្រកសមុទ្រតៃវ៉ាន់កាលពីថ្ងៃសៅរ៍។