ប្រែសម្រួល : កញ្ញាដាលីស (ស្ត្រេតថែមស៍) ៖ រាប់ចាប់ពីរឿង Armageddon រហូតដល់រឿង Day After Tomorrow មានខ្សែភាពយន្តហូលីវូដច្រើនណាស់និយាយអំពីរបៀបដែលពិភពលោករបស់យើងអាចនឹងបញ្ចប់។
ប៉ុន្តែប្រសិនបើមានមហន្តរាយសកលណាមួយ តើអ្វីជាយុទ្ធវិធីរបស់អ្នកដើម្បីរស់បានយូរតាមដែលអាចធ្វើទៅបាន?
បំភ្លេចចោលទៅលេនដ្ឋានក្រោមដី រថយន្តទំនើបថ្មីនេះគួរតែមាននៅក្នុងឧបករណ៍រស់រានមានជីវិតរបស់អ្នកនៅថ្ងៃមហន្តរាយនោះ។
ក្រុមហ៊ុន Apocalypse Manufacturing នៅរដ្ឋផ្លរីដា ដែលមានជំនាញខាងរថយន្តនាពេលអនាគត បានបង្ហាញរថយន្តចុងក្រោយរបស់ខ្លួន ដែលជារថយន្តដ៏ធំសម្បើម 4×4 មានឈ្មោះថា Super Truck ។
យោងតាមក្រុមហ៊ុនបានឱ្យដឹងថា ការរចនា “ដ៏កំណាច” របស់រថយន្ត Super Truck ធ្វើឱ្យវា “មិនអាចទម្លុះបានពីកម្លាំងខាងក្រៅ” ប៉ុន្តែតម្លៃ ១៥៩.៩៩៩ដុល្លាររបស់វាទំនងជានឹងធ្វើឱ្យពួកអ្នកត្រៀមខ្លួនសម្រាប់ថ្ងៃអវសានពិភពលោកពន្យារពេលគិតមើលសិន។
រថយន្ត Super Truck មានម៉ាស៊ីនកែឡើងវិញ Hellcat V8 ដែលបង្កើតកម្លាំងបាន ៨៥០ សេះ។
លោក យ៉ូសេប ហ្គាតថាស (Joseph Ghattas) ម្ចាស់ក្រុមហ៊ុន Apocalypse Manufacturing បាននិយាយថា “ជាមួយនឹងរថយន្ត Super Truck យើងចង់រួមបញ្ចូលគ្នានូវការរចនាដ៏កាចបែបមជ្ឈិមសម័យ ដែលគេមិនអាចព្រងើយកន្តើយបានឡើយ ជាមួយនឹងភាពសាហាវនៃម៉ាស៊ីន Hemi Hellcat”។
“មិនមានរថយន្ត 4×4 ផ្សេងទៀតនៅលើទីផ្សារដែលមានល្បឿនលឿន ទំហំធំ ភាពជឿជាក់ ផាសុកភាព ចន្លោះទូលាយ និងលក្ខណៈ Off-road/On-road ដូចរថយន្តចុងក្រោយបំផុតរបស់យើងនោះឡើយ”៕
រថយន្ត Super Truck មានពាសដែករឹងមាំអាចការពារកម្លាំងទម្លុះពីខាងក្រៅ