រដ្ឋមន្រ្តីក្រសួងបរិស្ថាន ជួបសំណេះសំណាលកុមារ ក្នុងថ្ងៃទិវាបរិស្ថាន

ដោយ៖ ដេប៉ូ / ភ្នំពេញ៖ លោក សាយ សំអាល់ រដ្ឋមន្ត្រីក្រសួងបរិស្ថាន នាឱកាសទិវាបរិស្ថានជាតិ និងបរិស្ថានពិភពលោក ឆ្នាំ២០២៣ នេះ បានដឹកនាំគណៈប្រតិភូក្រសួងបរិស្ថាន អញ្ជើញជួបសំណេះសំណាល ជាមួយកុមារតូចៗ ដើម្បីចែករំលែកចំណេះដឹងបរិស្ថាន ការគ្រប់គ្រងសំណល់រឹង ហើយជាពិសេស ការកាត់បន្ថយការប្រើប្រាស់ប្លាស្ទិក។

ក្រសួងបរិស្ថាន បានឱ្យដឹងថា ក្នុងការចុះជូបកុមារតូចៗ ពីសំណាក់លោក សាយ សំអាល់ នេះ បានធ្វើឡើង នៅក្នុងវិទ្យាល័យដេកាត (Lycee Descartes) កាលពីរសៀល ថ្ងៃទី៦ ខែមិថុនា ឆ្នាំ២០២៣។

ក្នុងពិធីនេះដែរ លោករដ្ឋមន្ត្រី និងគណៈប្រតិភូក្រសួង បានអញ្ជើញទៅទស្សនា ការតាំងបង្ហាញស្នាដៃកូនៗ ដែលបានរៀបចំឡេីង ដេីម្បីចូលរួមអបអរសាទរ ទិវាបរិស្ថានជាតិ និងបរិស្ថានពិភពលោក ផងដែរ៕/V/R