ដោយ៖តារារិទ្ធ/ភ្នំពេញ៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានថ្លែងថាកម្ពុជាគឺជាប្រទេសមួយដែលទទួលបានផល ប្រយោជន៍ពីគំនិតផ្តួចផ្ដើមខ្សែក្រវ៉ាត់និងផ្លូវដែលផ្ដួចផ្ដើមគំនិតដោយលោកប្រធានាធិបតី ស៊ី ជីនពីង នៃសាធារណរដ្ឋប្រជាមានិតចិន ដែលមានប្រទេសរហូតដល់ ១៥៣ ចូលរួម ។ ក្នុងហ្នឹងកម្ពុជាជាប្រទេសមួយដែលទទួលបានផលប្រយោជន៍ពីគំនិតផ្ដួចផ្ដើមខ្សែក្រវ៉ាត់និងផ្លូវ ។តាមរយៈជំនួញឥតសំណង តាមរយៈកម្ចីសម្រាប់ការ សាងសង់ហេដ្ឋារចនាសម្ព័ន្ធ តាមរយៈនៃការវិនិយោគគម្រោងធំៗ ។
សម្តេចតេជោ ហ៊ុន សែន បានថ្លែងនៅក្នុងឱកាសអញ្ជើញបើកការដ្ឋានស្ថាបនាផ្លូវល្បឿនលឿនភ្នំពេញ-បាវិត និង បើកការដ្ឋានសាងសង់ស្ពានឆ្លាងកាត់ទន្លេមេគង្គ នាព្រឹកថ្ងៃទី០៧ ខែមិថុនា ឆ្នាំ២០២៣នេះ។
សម្តេចតេជោ ហ៊ុន សែន មានប្រសាសន៍ថា៖«កម្ពុជាគឺជាប្រទេសដែលទទួលបានផលប្រយោជន៍ពីគំនិតផ្តួចផ្ដើមខ្សែក្រវ៉ាត់និងផ្លូវដែលផ្ដួចផ្ដើមគំនិតដោយលោកប្រធា នាធិបតី ស៊ី ជីនពីង នៃសាធារណរដ្ឋប្រជាមានិតចិនដែលមានប្រទេសរហូតដល់ ១៥៣ ចូលរួម ។ក្នុងហ្នឹងកម្ពុជាជាប្រទេសមួយដែលទទួលបានផលប្រយោជន៍ពីគំនិត ផ្ដួចផ្ដើមខ្សែក្រវ៉ាត់និងផ្លូវ ។ តាមរយៈជំនួញឥតសំណងតាមរយៈកម្ចីសម្រាប់ការ សាងសង់ហេដ្ឋារចនាសម្ព័ន្ធ តាមរយៈនៃការវិនិយោគគម្រោងធំៗ» ។
សម្តេចតេជោបានបញ្ជាក់ថាគម្រោងវិនិយោគដែលយើងទទួលផលវាស្ថិតនៅក្នុងកិច្ចសហប្រតិបត្តិការនៃគម្រោងខ្សែក្រវ៉ាត់និងផ្លូវដែលបណ្ដាប្រទេសអាស៊ានភាគច្រើន ក្នុងនោះក៏មានកម្ពុជាបានទទួលផលពីរគម្រោងវិនិយោគនេះរួមមានព្រលានយន្តហោះដ៏ធំនៅសៀមរាបដែលនឹងដាក់ឲ្យដំណើរការនៅពេលខាងមុខជំនួសឲ្យព្រលាន យន្តហោះចាស់ដែលមានទំហំតូចដែលត្រូវបិទ ហើយនឹងបើកដំណើរការព្រលានយន្តហោះធុនធំ ដែលអាចចុះចុះចតប្រភេទយន្តហោះធុនធំ ។ គម្រោងវិនិយោគនេះសុទ្ធ តែជាគម្រោងដែលយើងមិនបានខ្ចីលុយចិនទេគឺក្រុមហ៊ុនចិនវិនិយោគ ១០០ ភាគរយ ។ ផ្លូវល្បឿន លឿនភ្នំពេញខេត្តព្រះសីហនុក៏ក្រុមហ៊ុនចិនវិនិយោគ ១០០ ភាគរយ ហើយផ្លូវល្បឿនលឿនភ្នំពេញបាវិត ១៣៥ គីឡូម៉ែត្រនេះក៏ជាការវិនិយោគផ្ទាល់របស់ក្រុមហ៊ុនចិន ១០០ ដោយមិនរាប់ស្ពានឆ្លងកាត់ទន្លេមេគង្គដែលមានតម្លៃជាង២៣២ លានដុល្លារ ។
សម្តេចបន្តថាយើងមិនបានខ្ចីលុយចិនទេអញ្ចឹងចំណុចនេះគឺជាការអនុវត្តដែលគេហៅថាវិធីសាស្រ្តរបស់កម្ពុជាអំពីភាពជាដៃគូរវាងរដ្ឋនិងឯកជនផងនិងវាស្ថិតនៅក្នុង ក្របខណ្ឌកិច្ចសហប្រតិបត្តិការអភិវឌ្ឍន៍ដែលទទួលយកផលពីក្របខណ្ឌគំនិតផ្ដួចផ្ដើមខ្សែក្រវ៉ាត់និងផ្លូវ ។ សម្តេចបន្តថាឆ្នាំនេះគឺជាឆ្នាំខួបលើកទី ១០នៃគំនិតផ្ដួចផ្ដើម ខ្សែក្រវ៉ាត់និងផ្លូវកម្ពុជាបើកការដ្ឋានធ្វើផ្លូវល្បឿនលឿនភ្នំពេញបាវិត ។ ដូច្នេះកម្ពុជាអត់មានស្ទាក់ស្ទើរចំពោះគំនិតរួចផ្ដើមខ្សែក្រវ៉ាត់និងផ្លូវនេះទេ។
សម្តេចតេជោបន្តថាគំនិតផ្ដួចផ្ដើមខ្សែក្រវ៉ាត់និងផ្លូវ គឺទាក់ទិនជាមួយនឹងការអភិវឌ្ឍដោយមិនទុកប្រទេសណាមួយជាសត្រូវទេហើយក៏មិនរារាំងប្រទេស ណាមួយអភិ វឌ្ឍន៍នោះដែរ ។ ប៉ុន្តែផ្ទុយទៅវិញវាបានផ្ដល់នូវផលប្រយោជន៍សម្រាប់យើង ។
សម្ដេចតេជោបានប្រាប់ឯកអគ្គរដ្ឋទូតចិនថា«ធ្វើឯករដ្ឋទូតនៅកម្ពុជាគឺមានការរវល់ច្រើនណាស់ មូលហេតុឯកឧត្តមមើលឃើញហើយរបៀបធ្វើការរបស់កម្ពុជាគឺធ្វើបែបនេះខាងមិត្តចិនអត់មានខកចិត្តទេហើយរឿងការដែលមិនខកចិត្តគឺដោយសាររបៀបរបស់យើងគឺធ្វើការដោយការពិគ្រោះគ្នា។មិត្តចិន គោរពសំណូមពររបស់កម្ពុជាដែលថាកម្ពុជាត្រូវការធ្វើផ្លូវនេះមុន ត្រូវការស្ពាននេះមុន គឺមិត្តចិនគោរពនូវនៅសំណូមពររបស់កម្ពុជាត្រង់ហ្នឹងហើយដែលយើងធ្វើលឿនជាមួយគ្នា ។ ប៉ុន្តែអ្នក ដទៃខ្លះយើងចង់បានស្ពានមួយនេះ គេទៅចង់បានស្ពានមួយនោះ វាខុសបើយើងមិនតាមគេគេមិនឱ្យលុយយើង។ ប៉ុន្តែមិត្តចិនគឺគោរពអាត្រង់ហ្នឹងហើយដែលខ្ញុំផ្ដល់ នូវការវាយតម្លៃខ្ពស់ជាមួយនឹងការគោរព មិនមែនត្រឹមតែគោរពលើឯករាជ្យអធិបតេយ្យរបស់កម្ពុជាប៉ុណ្ណោះទេគោរពការសម្រេចចិត្តនានារបស់កម្ពុជារាប់ទាំងគម្រោង អភិវឌ្ឍន៍ព្រោះគ្មានអ្នកណាស្គាល់កម្ពុជាទេ ជាងកម្ពុជាទេ »។
សម្តេចតេជោ ហ៊ុន សែន បន្តថា«មិត្តចិនតែងតែផ្ដល់ឱ្យយើងដាក់ផែនការទៅឲ្យគាត់ជារៀងរាល់ឆ្នាំ ។ ពេលខ្លះយើងក៏មានតម្រូវការថាអានេះយើងដាក់ទៅមុនហើយយើ ងសុំដូរមួយលំដាប់អាទិភាព មិត្តចិនស្របទៅតាមយើងចំណុចនេះហើយជាចំណុចល្អ ។
សម្តេចតេជោ ហ៊ុន សែន ក៏បានលើកឡើងផងដែរថាសម្តេចជាមនុស្សដែលមានភ័ព្វសំណាងដែរ ,ភ័ព្ធសំណាងនៅត្រង់ថាសម្តេចមានរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ពីររូបមកហើយជារដ្ឋមន្ត្រីមិនមែនកញ្ជើរធ្លុះគឺជារដ្ឋមន្ត្រីចេះសន្សំលុយអញ្ចឹងបានជាយើងត្រូវហ៊ានដកយកលុយ ២៣២លានដុល្លារជាង យកមកធ្វើស្ពាននេះ ហ្នឹងយើង វិនិយោគទៅតាមបណ្ដាខេត្តទៀតជាច្រើន ។ ហើយយើងក៏មិនអាចពឹងពាក់បរទេសឲ្យជួយទាំងអស់ត្រូវជួយអភិវឌ្ឍន៍កម្ពុ ជាទាំងអស់នោះទេ ៕
