ប្រែសម្រួល : កញ្ញាដាលីស (ស្ត្រេតថែមស៍) ៖ តារាអ៊ីនធឺណិតក្នុងប្រទេសចិនម្នាក់បានស្លាប់ដោយសារការផឹកស្រាច្រើនពេកបន្ទាប់ពីការផ្សាយផ្ទាល់តាមអនឡាញអំពីការក្រកួតផឹកស្រា ដែលធ្វើឱ្យនេះក្លាយជាករណីស្លាប់ទីពីរពីការប្រកួតបែបនេះក្នុងរយៈពេលមួយខែមកនេះ។
ប្រពន្ធរបស់អ្នកឡាយស្ទ្រីម (Live Streamer) អាយុ ២៧ ឆ្នាំរូបនេះបានបញ្ជាក់ជាមួយប្រព័ន្ធផ្សព្វផ្សាយចិន Jimu News កាលពីថ្ងៃអង្គារថា ប្តីរបស់នាង ដែលអ្នកលេងអ៊ីនធឺណិតស្គាល់ថា ចុង យួន ហួង ហ្សេ (Zhong Yuan Huang Ge) ឬបងប្រុសហួង មកពីតំបន់ទំនាបកណ្តាល បានស្លាប់ដោយសារផឹកស្រាច្រើនហួសប្រមាណនៅព្រឹកថ្ងៃទី២ ខែមិថុនា។
ស្ត្រីឈ្មោះ លី (Li)បាននិយាយថា ប្តីរបស់គាត់កំពុងព្យាយាមរកលុយតាមរយៈការផ្សាយផ្ទាល់តាមអនឡាញ ដើម្បីសងបំណុលរាប់សែនយ័ន ដែលគាត់ជំពាក់មុនរៀបការ។
ការស្លាប់ចុងក្រោយនេះបានកើតឡើងបន្ទាប់ពីអ្នកឡាយស្ទ្រីមឈ្មោះ វ៉ាង (Wang) ស្លាប់កាលពីថ្ងៃទី ១៦ ឧសភា បន្ទាប់ពីគេឃើញគាត់ចុងក្រោយបានផឹកស្រាខ្លាំង Baijiu ចំនួនបួនដប ដែលមានជាតិអាល់កុលចាប់ពី ៣៥ ភាគរយទៅ ៦០ ភាគរយ។
វ៉ាង ស្លាប់កាលពីថ្ងៃទី ១៦ ឧសភា
ហួងគឺជាមិត្តដ៏ល្អរបស់វ៉ាង ហើយបានចូលរួមពិធីបុណ្យសពរបស់វ៉ាងទៀតផង នេះបើយោងតាមសារព័ត៌មាន Southern Metropolis Daily របស់ចិន។
កាសែតនេះក៏បានរាយការណ៍ផងដែរថា មិត្តម្នាក់បានឮហួងនិយាយនៅថ្ងៃបុណ្យសពថា គាត់នឹងផឹកស្រាតិចជាងមុន៕
ហួងស្លាប់កាលពីថ្ងៃទី២មិថុនាដោយសារប្រកួតផឹកស្រា
វីដេអូបង្ហោះក្នុងអនឡាញសំរាប់អ្នកគាំទ្រគាត់១៧៦.០០០នាក់ បង្ហាញដបស្រារាប់សិបនៅពីក្រោយខ្នងបង្ហាញថាគាត់ជាជើងខាងផឹកស្រា តែឥឡូវស្លាប់បាត់