ប្រែសម្រួល : កញ្ញាដាលីស (ដេល្លីម៉េល) ៖ ក្រុមមន្ត្រីបាននិយាយថា អាល្លឺម៉ង់កំពុងត្រៀមរៀបចំធ្វើសមយុទ្ធយោធាដាក់ពង្រាយខាងជើងអាកាសធំបំផុតក្នុងប្រវត្តិសាស្ត្ររបស់ណាតូ ដែលជាការសម្ញែងកម្លាំងមួយក្នុងបំណងអួតដល់សម្ពន្ធមិត្ត និងសត្រូវសក្តានុពលនានាដូចជារុស្ស៊ីជាដើម។
សមយុទ្ធ Air Defender 23 ដែលចាប់ផ្តើមនៅសប្តាហ៍ក្រោយ នឹងឃើញអ្នកចូលរួមចំនួន ១០.០០០ នាក់ និង យន្តហោះ ២៥០ គ្រឿងមកពីប្រទេសចំនួន២៥ដើម្បីឆ្លើយតបទៅនឹងការធ្វើជាវាយប្រហារមួយលើប្រទេសសមាជិកណាតូ។
សហរដ្ឋអាម៉េរិកតែឯងនឹងបញ្ជូនបុគ្គលិកឆ្មាំជាតិជើងអាកាសអាម៉េរិកចំនួន ២.០០០ នាក់ និងយន្តហោះប្រហែល ១០០ គ្រឿង ដើម្បីចូលរួមក្នុងសមយុទ្ធហ្វឹកហ្វឺនចាប់ពីថ្ងៃទី ១២-២៣ ខែមិថុនា។
ឯកអគ្គរដ្ឋទូតអាម៉េរិកប្រចាំប្រទេសអាល្លឺម៉ង់ លោកស្រី អាមី ហ្គាត់ម៉ាន់ (Amy Gutmann) បាននិយាយថា “នេះគឺជាលំហាត់សមយុទ្ធដែលគួរឱ្យចាប់អារម្មណ៍បំផុតសម្រាប់អ្នកដែលនឹងមើលវា ហើយយើងមិនធ្វើឱ្យគ្រប់គ្នាមើលវានោះទេ”។
លោកស្រីបានប្រាប់អ្នកយកព័ត៌មាននៅទីក្រុងបែរឡាំងថា “វានឹងបង្ហាញឱ្យឃើញហួសពីស្រមោលនៃការសង្ស័យនៃភាពរហ័សរហួននិងភាពរួសរាន់នៃកម្លាំងសម្ពន្ធមិត្តរបស់យើងនៅក្នុងអង្គការណាតូដែលជាអ្នកឆ្លើយតបដំបូងគេ”។
“ខ្ញុំពិតជាមានការភ្ញាក់ផ្អើលបើមេដឹកនាំពិភពលោកណាមួយមិនបានកត់សម្គាល់នូវអ្វីដែលសមយុទ្ធនេះបានបង្ហាញទាក់ទងនឹងស្មារតីនៃសម្ពន្ធភាពនេះ ដែលមានន័យថាជាភាពខ្លាំងនៃសម្ពន្ធភាពនេះ”។
ដោយសំដៅទៅលើប្រធានាធិបតីរុស្ស៊ី វ្ល៉ាឌីមៀ ពូទីន លោកស្រីបានបន្ថែមថា “ហើយនោះក៏រួមមានលោកពូទីនផងដែរ”។
ខណៈសមយុទ្ធនេះត្រូវបានគ្រោងទុកជាច្រើនឆ្នាំមកហើយនោះ ការលុកលុយរបស់រុស្ស៊ីលើអ៊ុយក្រែនក្នុងខែកុម្ភៈ ឆ្នាំ ២០២២ បានជំរុញណាតូឱ្យត្រៀមខ្លួនយ៉ាងម៉ឺងម៉ាត់សម្រាប់លទ្ធភាពនៃការវាយប្រហារណាមួយមកលើទឹកដីរបស់ខ្លួន។
ស៊ុយអែត ដែលសង្ឃឹមថានឹងចូលរួមក្នុងសម្ពន្ធភាពនេះ និង ជប៉ុនក៏ចូលរួមក្នុងសមយុទ្ធនេះដែរ។
ឧត្តមសេនីយ៍ឯក អ៊ីនហ្គោ ហ្គើហាត់ (Ingo Gerhartz) នៃកងទ័ពអាកាសអាល្លឺម៉ង់ ដែលកំពុងសម្របសម្រួលសមយុទ្ធនេះ បាននិយាយថា “យើងកំពុងបង្ហាញថា ទឹកដីណាតូ គឺជាខ្សែបន្ទាត់ក្រហមរបស់យើង ចឹងទេពួកយើងបានត្រៀមខ្លួនរួចហើយដើម្បីការពារគ្រប់សង់ទីម៉ែត្រនៃទឹកដីនេះ”៕
ឧត្តមសេនីយ៍ឯក អ៊ីនហ្គោ ហ្គើហាត់ (Ingo Gerhartz) នៃកងទ័ពអាកាសអាល្លឺម៉ង់