ប្រែសម្រួល : កញ្ញាដាលីស (ដេល្លីម៉េល) ៖ អ្នកគាំទ្រ Manchester City បានចាប់ផ្តើមជប់លៀងនៅតាមដងផ្លូវនៃទីក្រុងអ៊ីស្តង់ប៊ុល មុនពេលការប្រកួតវគ្គផ្តាច់ព្រ័ត្រក្របខ័ណ្ឌ Champions League ជាមួយក្រុម Inter Milan នៅថ្ងៃសៅរ៍។
រលកទីមួយនៃអ្នកគាំទ្រឃើញកំពុងដើរជុំវិញកណ្តាលទីក្រុងកាលពីថ្ងៃព្រហស្បតិ៍ដោយដុតកាំជ្រួចផ្សែងនិងច្រៀងចម្រៀងរបស់ក្លិប។
ពួកគេនឹងត្រូវចូលរួមដោយអ្នកគាំទ្ររបស់ City រាប់ពាន់នាក់ទៀតដោយសង្ឃឹមថានឹងបានឃើញក្រុមរបស់ពួកគេនាំយកពានរង្វាន់ Champions League ជាលើកដំបូងរបស់ខ្លួនមកផ្ទះវិញ។
អ្នកគាំទ្រម្នាក់របស់ City គឺ ខេវិន រ៉ាយអែន (Kevin Ryan) អាយុ ៤៥ ឆ្នាំបានហោះត្រង់ទៅទីក្រុងអ៊ីស្តង់ប៊ុលពីក្រុងម៉ាន់ឆេស្ទើជាមួយឪពុករបស់គាត់ឈ្មោះ ឡាម (Liam) អាយុ ៧៤ ឆ្នាំ។
និយាយទៅកាន់ទីភ្នាក់ងារសារព័ត៌មាន PA នៅពីមុខការប្រកួត Champions League ដ៏ធំក្នុងទីក្រុងអ៊ីស្តង់ប៊ុល លោកបាននិយាយថា ផែនការរបស់គាត់គឺធ្វើ “ពិធីជប់លៀង” ប្រសិនបើ Man City ឈ្នះវគ្គផ្តាច់ព្រ័ត្រ។
ទោះយ៉ាងណា លោកបាននិយាយថា លោកនឹងធ្វើដូច្នេះដោយមិនមានស្រាបៀរក្នុងដៃ។
លោកបាននិយាយថា “នៅសុខៗស្រាប់តែមានស្រាបៀរក្នុងដៃមិនដឹងមកពីណា។ អ្នកមិនអាចផឹកក្នុងកីឡដ្ឋានបានទេ…គឺពីរម៉ោងមុនការប្រកួតចាប់ផ្តើម ឈប់ផឹកហើយ”៕
អ្នកគាំទ្រ City មកជុំលៀងតាមដងផ្លូវនៃក្រុងអ៊ីស្តង់ប៊ុលតាំងពីថ្ងៃព្រហស្បតិ៍